KCR: డిసెంబర్ 9 ప్రకటన లేకుండా.. తెలంగాణ రాష్ట్రం లేదు

కేసీఆర్ (KCR) చేపట్టిన ఆమరణ దీక్ష తెలంగాణ ఉద్యమగతిని మలుపుతిప్పిందని ఎమ్మెల్యే హరీశ్రావు (Harish Rao) అన్నారు. ఈ సందర్భంగా ఆయన మాట్లాడారు. నాటి ఆమరణ దీక్ష తెలంగాణ (Telangana) ఏర్పాటుకు బాటలు వేసిందన్నారు. 2009 నవంబర్ 29న (November 29th) కేసీఆర్ ఆమరణ దీక్ష చేపట్టారు. తెలంగాణ వచ్చుడో- కేసీఆర్ సచ్చుడో నినాదంతో ఉద్యమం చేపట్టారు. 4 కోట్ల ప్రజల ఆకాంక్ష సాధనకు అలుపెరగని పోరాటం చేశారు. రాష్ట్రం కోసం ప్రాణత్యాగం చేసేందుకూ సిద్ధపడ్డ ధీరత్వం కేసీఆర్ది. తెలంగాణ అజరామర చరిత్రకు వీరోచిత సంతకం కేసీఆర్. నవంబర్ 29న కేసీఆర్ దీక్ష లేకుండా డిసెంబర్ 9 ప్రకటన లేదు. డిసెంబర్ 9 ప్రకటన లేకుండా తెలంగాణ రాష్ట్రం లేదు. దశాబ్దాల పోరాటంతోనే తెలంగాణ సిద్ధించింది తప్ప పాలకుల దయాదాక్షిణ్యాలతో కాదన్నది అక్షర సత్యం అని అన్నారు.