Chandrababu: సింగపూర్ పర్యటనలో చంద్రబాబు కీలక భేటీలు – ఏపీ అభివృద్ధికి అంతర్జాతీయ ఆసక్తి..

దక్షిణ ఆసియాలోని అత్యంత చిన్న దేశాల్లో ఒకటైన సింగపూర్ (Singapore) ప్రపంచంలోనే అభివృద్ధి చెందిన దేశంగా పేరుగాంచింది. కేవలం 704 చదరపు కిలోమీటర్ల విస్తీర్ణంలో విస్తరించిన ఈ దేశం ప్రపంచ వ్యాపార, ఆర్థిక రంగాల్లో గొప్ప పేరును సంపాదించుకుంది. అంతేగాక, ప్రపంచంలోని 18వ ధనవంతమైన దేశంగా జీడీపీ (GDP) పరంగా గుర్తింపు పొందింది. ప్రపంచవ్యాప్తంగా పర్యాటక ప్రదేశాల పేరులోనూ ముందు వరుసలో నిలుస్తుంది. అక్కడి స్కై స్క్రాపెర్స్ (Skyscrapers), ఆధునిక నగర ప్రణాళికలు, అద్భుతమైన నిర్మాణ శైలులు ప్రత్యేక ఆకర్షణగా నిలుస్తాయి.

ఇటీవల ముఖ్యమంత్రి నారా చంద్రబాబు నాయుడు (Nara Chandrababu Naidu) సింగపూర్ పర్యటనతో ఆంధ్రప్రదేశ్‌ను (Andhra Pradesh) ఒక భవిష్యత్ అభివృద్ధి గమ్యంగా నిలపాలనే ఉద్దేశం మరోసారి వెలుగులోకి వచ్చింది. గతంలో ఆయన ముఖ్యమంత్రిగా ఉన్నప్పుడు 2014 నుంచి 2019 మధ్యకాలంలో సింగపూర్‌తో ఒప్పందాన్ని కుదుర్చుకున్నారు. అయితే 2019 లో ప్రభుత్వం మారిన తర్వాత ఆ ఒప్పందం రద్దయింది. కానీ ఇప్పుడు ఏర్పడిన గ్యాప్‌ను పూడ్చాలనే సంకల్పంతో చంద్రబాబు మరోసారి సింగపూర్‌ను సందర్శించారు.

ఈ నెల 26వ తేదీన సింగపూర్ వెళ్లిన ఆయన, నాలుగు రోజుల పాటు అక్కడ ఉన్నారు. జూలై 27 నుంచి 30 వరకు సింగపూర్‌లో వరుస సమావేశాలు, చర్చలు జరిగాయి. ఆయన్ను తోడుగా మంత్రులు, అధికారులు ఉన్నారు. అక్కడి దేశాధ్యక్షుడు థర్మన్ షణ్ముగరత్నం (Tharman Shanmugaratnam), మాజీ ప్రధాని లీ సైన్ లూంగ్ (Lee Hsien Loong), మంత్రులు టాన్ సీ లెంగ్ (Tan See Leng), కె. షణ్ముగం (K. Shanmugam) తదితరులతో సమావేశమయ్యారు. రాష్ట్ర అభివృద్ధికి సింగపూర్ సహకారం కోరారు.

ఈ టూర్‌లో సుర్బానా జురాంగ్‌ (Surbana Jurong), కెప్పెల్ కార్పొరేషన్‌ (Keppel Corporation), ఏఐ సింగపూర్‌ (AI Singapore), ఎస్‌ఐఏ ఇంజనీరింగ్‌ (SIA Engineering), సెంబ్‌కార్ప్‌ (Sembcorp), జీఐసీ (GIC), కాపిటాల్యాండ్ ఇన్వెస్ట్మెంట్‌ (Capitaland Investment), ఎస్ఎంబీసీ (SMBC), విల్మర్‌ (Wilmar), మండై వైల్డ్‌లైఫ్‌ (Mandai Wildlife), ఎవర్సెండై ఇంజనీరింగ్‌ (EverSendai Engineering), అదానీ పోర్ట్స్‌ (Adani Ports), టీవీఎస్ మోటార్స్‌ (TVS Motors), టెమాసెక్‌ (Temasek) వంటి ప్రముఖ కంపెనీల ప్రతినిధులతో ముఖ్యమంత్రి మాట్లాడారు. ఏపీలో వృద్ధికి అనుకూలమైన పరిస్థితులు, పారిశ్రామికంగా ఉన్న అవకాశాలను బలమైన ప్రజెంటేషన్‌ ద్వారా వివరించారు. ఇక, నవంబర్ 14-15 తేదీల్లో విశాఖపట్నంలో జరగనున్న పెట్టుబడుల సదస్సుకు సింగపూర్ ప్రతినిధులను ఆహ్వానించారు. ఈ పర్యటన తర్వాత ఏం ఫలితాలు వస్తాయో అన్నది ఆసక్తికరంగా మారింది. ఏపీ ను అంతర్జాతీయ స్థాయిలో గుర్తింపు పొందేలా చేయడంలో చంద్రబాబు మరోసారి తన నాయకత్వ నైపుణ్యాన్ని ప్రదర్శించారు.