అలాంటి వారిని వదిలిపెట్టం : రామ్మోహన్‌ నాయుడు

విమానాల్లో బాంబులు పెట్టామని బెదిరింపులకు పాల్పడే వారిపై కఠిన చర్యలు తీసుకుంటామని కేంద్ర పౌర విమానాయానశాఖ మంత్రి రామ్మోహన్‌ నాయుడు హెచ్చరించారు. విశాఖపట్నం-విజయవాడల మధ్య కొత్త రెండు విమాన సర్వీసులను ప్రారంభించిన సందర్భంగా ఆయన మీడియాతో మాట్లాడారు. సోషల్‌మీడియాలో వచ్చిన బాంబు బెదిరింపులపై విచారణ కొనసాగుతున్నదన్నారు.  బెదిరింపులకు పాల్పడే వ్యక్తులను అణచివేసేందుకు రానున్న రోజుల్లో చట్టం తీసుకొస్తామని వెల్లడిరచారు. ఈ విషయంలో ప్రధాని మోదీ సైతం సీరియస్‌గా ఉన్నట్టు పేర్కొన్నారు. 2025  జూన్‌ నాటికి భోగాపురం విమానాశ్రయం సిద్ధమవుతుందని తెలిపారు.