Arjun: అమెరికా వీసా కోసం.. అర్జున్‌ అభ్యర్థన

అమెరికాలోని న్యూయార్క్‌ వేదికగా జరిగే వరల్డ్‌ ర్యాపిడ్‌, బ్లిజ్‌ చాంపియన్‌షిప్‌లో పోటీపడేందుకు తనకు వీసా (VISA)  మంజూరు చేయాలని యూఎస్‌ ఎంబసీ (US Embassy) ని భారత యువ జీఎం ఇరిగేసి అర్జున్‌ (Arjun)  కోరాడు. వారం రోజుల వ్యవధిలో మొదలయ్యే మెగాటోర్నీ కోసం వీసా  ఇవ్వాల్సిందిగా అభ్యర్థించాడు. దీనికి తోడు వీసా జారీ విషయంలో తనకు మద్దతుగా  నిలువాల్సిందిగా కేంద్ర విదేశాంగ మంత్రి జైశంకర్‌ (Jaishankar), క్రీడా మంతి మన్సుక్‌ మాండవీయా(Mansuk Mandaviya), ఆల్‌ఇండియా చెస్‌ ఫెడరేషన్‌ (ఏఐసీఎఫ్‌)ను అర్జున్‌ కోరాడు. ఆరు రోజుల పాటు జరిగే టోర్నీలో మాజీ ప్రపంచ చాంపియన్‌ మాగ్నస్‌ కార్ల్‌సన్‌తో పాటు ఫాబియానో కరువన, ఇయాన్‌ నెపోమియాచి, బోరిస్‌ గెల్ఫాండ్‌ బరిలో ఉన్నారు.