Ukraine: ప్రపంచంలోనే ఉక్రెయిన్‌ తర్వాత మనమే!

రష్యాతో యుద్ధం కారణంగా ఉక్రెయిన్‌ (Ukraine) పెద్దఎత్తున ఆయుధ సమీకరణ చేస్తోంది. ఆయుధ దిగుమతుల్లో ఆ దేశం ప్రపంచంలోనే ప్రథమ స్థానంలో నిలువగా, పాకిస్థాన్‌(Pakistan), చైనా (China)  నుంచి ముప్పు ఎదుర్కొంటున్న భారత్‌ (India) రెండో స్థానంలో ఉంది. అయితే 2014-19తో పోల్చితే గత నాలుగేళ్లలో భారత్‌ దిగుమతులు 9.3 శాతం తగ్గాయని  ఓ నివేదికలో వెల్లడించింది. 2015-19 నడుమ అమెరికా ఎగుమతుల వాటా 35 శాతం కాగా, గత నాలుగేళ్లలో 43 శాతానికి పెంచుకుంది. ఆయుధ ఎగుమతుల పరంగా ఫ్రాన్స్‌ 9.6 శాతం వాటాతో రెండో స్థానంలో ఉంది. తర్వాత స్థానాల్లో  చైనా (China)  (5.9) జర్మనీ (5.6), ఇటలీ (4.8), యూకే (3.6) ఇజ్రాయెల్‌ (3.1), స్పెయిన్‌ (3) శాతం నిలిచాయి. ప్రపంచవ్యాప్తంగా రక్షణ దిగుమతుల్లో ఉక్రెయిన్‌ వాటా 8.8 శాతం కాగా, భారత్‌ 8.3 శాతంతో రెండో స్థానంలో నిలిచింది.