24 ఏళ్లలో ఇదే తొలిసారి.. ఉత్తర కొరియా పర్యటనకు!

దక్షిణ కొరియాతో ఉద్రిక్తతలు మరోసారి తీవ్రరూపం దాల్చిన వేళ ఉత్తర కొరియా కీలక ప్రకటన చేసింది. దేశాధినేత కిమ్‌ జోంగ్‌ ఉన్‌ ఆహ్వానం మేరకు జూన్‌ 18-19వ తేదీల్లో రష్యా అధ్యక్షుడు పుతిన్‌ ఉత్తర కొరియాలో పర్యటించనున్నట్లు తెలిసింది. అంతర్జాతీయంగా ఇరుదేశాలపై కఠిన ఆంక్షలు కొనసాగుతున్నాయి. ఒకవైపు ఉక్రెయిన్‌పై రష్యా  దాడులు కొనసాగిస్తోంది. మరోవైపు ప్యాంగ్‌యాంగ్‌ ఆయుధ పరీక్షలు, ఇతర దుందుడుకు చర్యలకు పాల్పడుతోంది. ఈ పరిణామాల నడుమ వీరి భేటీ ప్రాధాన్యం సంతరించుకోనుంది. ఉత్తర కొరియాలో పుతిన్‌ పర్యటించడం 24  ఏళ్లలో ఇదే తొలిసారి.