Charlie Kirk: డొనాల్డ్‌ ట్రంప్‌ సన్నిహితుడు చార్లీ కిర్క్‌ హత్య

అమెరికా అధ్యక్షుడు డొనాల్డ్‌ ట్రంప్‌ (Donald Trump)  సన్నిహితుడు, కన్జర్వేటివ్‌ యాక్టివిస్‌ చార్లీ కిర్క్‌(Charlie Kirk)  హత్యకు గురయ్యారు. ఉటా వ్యాలీ యూనివర్సిటీలో జరుగుతున్న కార్యక్రమంలో మాట్లాడుతుండగా ఓ దుండగుడు తుపాకీతో కాల్పులకు దిగాడు. దీంతో తీవ్రగాయాలైన చార్లీ కిర్క్‌ను ఆసుపత్రి (Hospital) కి తరలించగా చికిత్స పొందుతూ చనిపోయారు. అమెరికాలో మాస్‌ షూటింగ్స్‌పై వర్సిటీలో చర్చా  కార్యక్రమానికి చార్లీ కిర్క్‌ హాజరయ్యారు. ఓ టెంట్‌లో అతడు కూర్చొని ఓ విద్యార్థి (Student)  ప్రశ్నకు బదులిస్తున్న సమయంలో దుండగుడు కాల్పులు జరిపాడు. దీంతో వెంటనే పోలీసులు(Police)  కిర్క్‌ను ఆసుపత్రికి తరలించారు. అక్కడ చికిత్స పొందుతూ ఆయన మరణించినట్లు అధ్యక్షుడు డొనాల్డ్‌ ట్రంప్‌ ధ్రువీకరించారు.  నిందితుడు కిర్క్‌ మెడ భాగంలో కాల్చినట్లు స్పష్టంగా కనిపిస్తోంది. దీంతో వెంటనే కిర్క్‌  కుప్పకూలిపోయాడు. ఈ ఘటనతో అక్కడికి వచ్చిన వారు ఒక్కసారిగా భయాందోళనతో పరుగులు తీశారు.