China  : అమెరికా ఉత్పత్తులపై 15 శాతం టారిఫ్‌లు ప్రకటించిన చైనా

చైనా ఉత్పత్తులపై 20 శాతం టారిఫ్‌లు విధిస్తూ అమెరికా అధ్యక్షుడు డొనాల్డ్‌ ట్రంప్‌ (Donald Trump)  ఈ నెల 4న చేసిన ప్రకటనకు చైనా (China)  బదులు తీర్చుకుంది.  అమెరికా వ్యవసాయోత్పత్తులు ముఖ్యంగా సోయా,  బీఫ్‌, పోర్క్‌, చికెన్‌  (Chicken ) ఉత్పత్తులపై అదనంగా 15 శాతం టారిఫ్‌లు విధిస్తున్నట్లు ప్రకటించింది.  ఇప్పటికే మార్గమధ్యంలో ఉన్న ఉత్పత్తులపై ఈ నెల 12వ తేదీ వరకు టారిఫ్‌లను మినహాయించనున్నట్లు చైనా వాణిజ్య శాఖ తెలిపింది.  ఈ ప్రకటనతో అమెరికా పెట్టుబడిదారుల్లో భయాలు మొదలయ్యాయి.  గతవారం మెక్సికో(Mexico), కెనడా(Canada)ల దిగుమతులపై ట్రంప్‌ టారిఫ్‌లను విధించడం ఆయా దేశాలు అమెరికా ఉత్పత్తులపై తిరిగి టారిఫ్‌లను విధించాయి.