న్యూజెర్సీ తెలుగు కళా సమితి ఆధ్వర్యంలో దాము గేదెలకి జీవన సాఫల్య పురస్కారం

TFAS: అమెరికాలో స్థిరపడిన ప్రవాస భారతీయులు తమ మాతృభూమిపై ఉన్న ప్రేమను, సామాజిక బాధ్యతను చాటుకోవడంలో ఎప్పుడూ ముందుంటారు. ఈ కోవలోనే తన నిస్వార్థ సేవలతో అటు అమెరికా గడ్డకు, ఇటు భారతమాతకు ముద్దుబిడ్డగా గుర్తింపు తెచ్చుకున్న ప్రముఖ సామాజిక సేవకుడు దాము గేదెలకు అరుదైన గౌరవం దక్కింది. మే 3, 2026న న్యూజెర్సీలోని ప్రతిష్టాత్మక ‘తెలుగు కళా సమితి’ (టీఫాస్) ఆధ్వర్యంలో పరాభవ నామ సంవత్సర ఉగాది పర్వదినాన్ని పురస్కరించుకుని ఆయనకు అత్యున్నతమైన ‘జీవన సాఫల్య పురస్కారం’ ప్రదానం చేశారు. టీఫాస్ అధ్యక్షుడు అన్నా మధుసూధనరావు, కార్యవర్గ సభ్యులు ఈ వేడుకను ఘనంగా నిర్వహించి ఆయన సేవలను కొనియాడారు. ఎందరో అభాగ్యులకు అండగా నిలిచిన ఆయన సేవా దృక్పథానికి ఈ పురస్కారం ఒక నిదర్శనంగా నిలిచింది.

కులమతాలకు అతీతంగా టీఫాస్ ప్రయాణం..
ఈ సత్కార కార్యక్రమం సందర్భంగా అవార్డు గ్రహీత దాము గేదెల ఎంతో భావోద్వేగానికి లోనయ్యారు. ఆయన మాట్లాడుతూ, “తెలుగు కళా సమితి (టీఫాస్) నాకు కన్నతల్లి లాంటిది. అమెరికాలో టీఫాస్ అనేది ఒక గొప్ప బ్రాండ్. మేము ఈ సంస్థను ఎలాంటి కుల, మత బేధాలు లేకుండా, రాజకీయాలకు పూర్తిగా అతీతంగా, సేవే పరమావధిగా నడిపిస్తున్నాము” అని స్పష్టం చేశారు. ఎన్నో ఏళ్లుగా కమ్యూనిటీ కోసం నిస్వార్థంగా పనిచేస్తున్న తనకు ఈ ఉగాది జీవిత సాఫల్య పురస్కారం అందించడం చాలా సంతోషంగా ఉందని ఆయన ఆనందం వ్యక్తం చేశారు. కులమతాలకు అతీతంగా, మాతృభూమిపై మమకారంతో సమాజ సేవలో ఆయన చూపిస్తున్న ఈ నిబద్ధత భావితరాలకు ఎంతో ఆదర్శంగా నిలుస్తుందని ఈ వేడుకకు హాజరైన ప్రతినిధులు సభికులు ప్రశంసించారు.