K-Ramp: “K-ర్యాంప్” మూవీ ఫ్యామిలీ అంతా కలిసి చూసేలా ఉంటుంది – కిరణ్ అబ్బవరం

సక్సెస్ ఫుల్ హీరో కిరణ్ అబ్బవరం (Kiran Abbavaram) నటిస్తున్న కొత్త సినిమా “K-ర్యాంప్”. ఈ సినిమాను ప్రముఖ నిర్మాణ సంస్థ హాస్య మూవీస్, రుద్రాంశ్ సెల్యులాయిడ్ బ్యానర్‌ల మీద రైజింగ్ ప్రొడ్యూసర్ రాజేష్ దండ, శివ బొమ్మకు సంయుక్తంగా నిర్మిస్తున్నారు. “K-ర్యాంప్” సినిమాకు జైన్స్ నాని దర్శకత్వం వహిస్తున్నారు. ఈ మూవీ దీపావళి పండుగ సందర్భంగా అక్టోబర్ 18న గ్రాండ్ థియేట్రికల్ రిలీజ్ కు రాబోతోంది. ఈ రోజు ఈ సినిమా ర్యాంప్ మీట్ ప్రెస్ మీట్ ను హైదరాబాద్ లో నిర్వేహించారు. ఈ కార్యక్రమంలో

రచయిత రవి మాట్లాడుతూ – సినిమాలో హీరో ఎంత స్ట్రగుల్ అయితే ప్రేక్షకులకు బాధగా అనిపిస్తుంది. కానీ ఈ సినిమా హీరో ఎంత స్ట్రగుల్ అయితే ప్రేక్షకులు అంత ఎంటర్ టైన్ అవుతారు. అక్టోబర్ 18న మనం ఆ ఎంటర్ టైన్ మెంట్ థియేటర్స్ లో చూడబోతున్నాం. అన్నారు.

ప్రొడక్షన్ డిజైనర్ బ్రహ్మ కడలి మాట్లాడుతూ – నేను కిరణ్ అబ్బవరంతో చేస్తున్న ఫస్ట్ మూవీ ఇది. ఆయన గత చిత్రాల కంటే వంద రెట్లు ఎనర్జీతో నటించారు. డైరెక్టర్ నాని కథ చెబుతున్నప్పుడు చాలా ఎంజాయ్ చేశాం. కథ చెప్పినదానికంటే ఇంకా బాగా తెరకెక్కించాడు. హీరోయిన్ యుక్తికి కథలో చాలా ఇంపార్టెన్స్ ఉంటుంది. ప్రొడ్యూసర్ రాజేశ్ నాే ఫ్రెండ్. కె ర్యాంప్ మూవీ మంచి సక్సెస్ సాధించాలని కోరుకుంటున్నా. అన్నారు.

మ్యూజిక్ డైరెక్టర్ చేతన్ భరద్వాజ్ మాట్లాడుతూ – కిరణ్ గారితో నేను చేస్తున్న థర్డ్ మూవీ ఇది. ఫుల్ ఎంటర్ టైన్ మెంట్ ఉంటుంది. నేను బ్యాక్ గ్రౌండ్స స్కోర్ చేస్తున్నప్పుడు చాలా ఎంజాయ్ చేశాను. ఇప్పటికే రిలీజైన సాంగ్స్ కు మంచి రెస్పాన్స్ వచ్చింది. ఇంకా రెండు సాంగ్స్ రిలీజ్ చేయబోతున్నాం. నాకు కంప్లీట్ గా సపోర్ట్ ఇచ్చారు డైరెక్టర్, ప్రొడ్యూసర్. వినోదంతో పాటు మంచి ఫాదర్, సన్ ఎమోషన్ కూడా మూవీలో ఉంటుంది. నరేష్ గారి క్యారెక్టర్ హిలేరియస్ గా వచ్చింది. అన్నారు.

డైరెక్టర్ జైన్స్ నాని మాట్లాడుతూ – కిరణ్ అన్న చేసిన మీటర్ మూవీ టైమ్ లో కె ర్యాంప్ కథ చెప్పాను. క మూవీ తర్వాత ఆయన ప్రాజెక్ట్ ఓకే చేశారు. ఈ సినిమా ఫుల్ ఎనర్జీ, ఎంటర్ టైన్ మెంట్ తో ఉంటుంది. నువ్వు ఎంత స్క్రిప్ట్ లో రాస్తే ఎంత పర్ ఫార్మ్ చేస్తా అని కిరణ్ అన్న ఎంకరేజ్ చేసేవారు. హీరోయిన్ క్యారెక్టర్ కూడా అంతే ఎంటర్ టైనింగ్ గా ఉంటుంది. సినిమా బాగా రావాలి అని చెబుతూ నేను సినిమా కోసం ఏది కావాలన్నా ఇచ్చారు మా ప్రొడ్యూసర్స్ రాజేష్, శివ. వారికి థ్యాంక్స్ చెబుతున్నా. నరేష్ గారికి క్యారెక్టర్ చెప్పేందుకు వెళ్లినప్పుడు భయపడ్డా. ఆయన స్క్రిప్ట్ విని తప్పకుండా చేస్తానని అన్నారు. కె ర్యాంప్ అంటే బూతు మాట కాదు. కె ర్యాంప్ అంటే కిరణ్ అబ్బవరం ర్యాంప్. అది దృష్టిలో పెట్టుకునే కథ రాశాను, సినిమా రూపొందించాను. థియేటర్స్ లో సినిమా చూస్తున్నప్పుడు కూడా కిరణ్ అబ్బవరం ర్యాంప్ అనే అనుకుంటారు. ఈ సినిమాలో ఆయన క్యారెక్టర్ పేరు కుమార్. కిరణ్ అన్న పర్ ఫార్మెన్స్, సపోర్ట్ గురించి తర్వాత మరింత డీటెయిల్ గా చెబుతా. అన్నారు.

ప్రొడ్యూసర్ రాజేష్ దండా మాట్లాడుతూ – కె ర్యాంప్ కథను నా దగ్గరకు కిరణ్ గారు పంపించారు. కథ విన్నప్పుడు చాలా ఎంజాయ్ చేశాను. మా సంస్థలో మరో ఎంటర్ టైనర్ అని ఫిక్స్ అయ్యా. ఇలాంటి మంచి కథను నా దగ్గరకు పంపిన కిరణ్ గారికి థ్యాంక్స్. ఈ మూవీ చేస్తున్నప్పుడు నరేష్ గారు ఒక కాంప్లిమెంట్ ఇచ్చారు. జైన్స్ నానితో ఇండస్ట్రీకి మరో త్రివిక్రమ్, హరీశ్ శంకర్ దొరికినట్లే అన్నారు. డైలాగ్స్ అంత బాగా రాసుకున్నారు నాని. ఈ మూవీకి వర్క్ చేసిన ప్రతి ఒక్కరూ కంప్లీట్ ఎఫర్ట్స్ పెట్టారు. మ్యూజిక్ డైరెక్టర్ చేతన్ భరద్వాజ్ ఈ మూవీ కోసం డెడికేటెడ్ గా వర్క్ చేశారు. మా సంస్థలో రాబోయో మూడు ప్రాజెక్ట్స్ కు చేతన్ మ్యూజిక్ డైరెక్టర్ గా ఉంటాడు. హీరోయిన్ యుక్తి తన పర్ ఫార్మెన్స్ తో చింపేసింది. రేపు స్క్రీన్ మీద ఆమె పర్ ఫార్మెన్స్ చూస్తారు. అలాగే మా మూవీలో ఓనమ్ సాంగ్ హైలైట్ గా నిలుస్తుంది. నరేష్ గారు మాకు ఒక ఫాదర్ లా సపోర్ట్ చేశారు. ఒక బ్రదర్ తో సినిమా చేసినంత హ్యాపీగా కిరణ్ గారితో మూవీ చేశా. ఆయనతో మళ్లీ మళ్లీ మూవీస్ చేయాలని అనుకుంటున్నా. ఈ దీపావళికి పోటీ ఎంత ఉన్నా మా మూవీ సక్సెస్ మీద పూర్తి కాన్ఫిడెంట్ గా ఉన్నాం. అన్నారు.

హీరోయిన్ యుక్తి తరేజా మాట్లాడుతూ – కె ర్యాంప్ మూవీలో నటించే అవకాశం రావడం అదృష్టంగా భావిస్తున్నా. ఈ చిత్రంలో కిరణ్ తో కలిసి నటించడం హ్యాపీగా ఉంది. అతను నా బెస్ట్ కో స్టార్ అని చెబుతాను. క మూవీతో కిరణ్ కమ్ బ్యాక్ ఇచ్చారు. కె ర్యాంప్ తో ఆ సక్సెస్ కంటిన్యూ చేయబోతున్నారు. ఈ సినిమాలో చాలా మంచి రోల్ ఇచ్చిన డైరెక్టర్ నాని గారికి, ప్రొడ్యూసర్ రాజేశ్ గారికి థ్యాంక్స్. చేతన్ సూపర్బ్ మ్యూజిక్ ఇచ్చాడు. నా మొదటి సినిమా నుంచి సపోర్ట్ చేస్తూ వస్తున్న మీడియా మిత్రులకు థ్యాంక్స్. అన్నారు.

యాక్టర్ నరేష్ మాట్లాడుతూ – కె ర్యాంప్ కథ విన్నప్పుడు ఇది బ్లాక్ బస్టర్ హిట్ అని చెప్పేశాను. ఈ వేదిక మీద నుంచి కూడా చెబుతున్నా ఇది బ్లాక్ బస్టర్ మూవీ. ఈ సినిమాలో ఏ హైలైట్ గురించి చెప్పాలో తెలియడం లేదు ఎందుకంటే సినిమా మొత్తం హైలైట్ గా ఉంటుంది. ఈ సినిమాతో కిరణ్ స్టార్ గా మరింత ఎత్తుకు దూసుకెళ్తాడు. అతను చాలా హంబుల్. నాకొక సోదరుడిలా అనిపించాడు. హీరోయిన్ యుక్తికి ఈ సినిమా తర్వాత చాలా మంచి పేరు వస్తుంది. అవకాశాలు బాగా పెరుగుతాయి. తను అంత బాగా పర్ ఫార్మ్ చేసింది. డైరెక్టర్ జైన్స్ నాని ఈ సినిమా తర్వాత జైన్స్ జోష్ నాని అనే పేరు తెచ్చుకుంటాడు. ఆయన పేరుతోనే యూత్ సినిమాలకు వెళ్తారు. ఈ చిత్రంలో నాకొక కొత్త తరహా రోల్ ఇచ్చారు. ఇప్పటిదాకా నేను అలాంటి క్యారెక్టర్ చేయలేదు. ఈ సినిమా తర్వాత నాకు ఇలాంటివి ఇంకెన్ని క్యారెక్టర్స్ వస్తాయో అని క్యూరియస్ గా ఉన్నాను. ప్రొడ్యూసర్ రాజేశ్ గారి దగ్గరకే ఇలాంటి ఎంటర్ టైనింగ్ స్టోరీస్ ఎలా వస్తున్నాయో తెలియదు. కె ర్యాంప్ గురించి మరిన్ని హైలైట్స్ ప్రీ రిలీజ్ లో మాట్లాడుతాను. అన్నారు.

హీరో కిరణ్ అబ్బవరం మాట్లాడుతూ – కె ర్యాంప్ మూవీని మేమంతా చూశాం. సినిమా చూస్తూ అన్ని ఎజ్ గ్రూప్స్ వాళ్లం చాలా ఎంజాయ్ చేశాం. సినిమా సక్సెస్ మీద కాన్ఫిడెంట్ గా ఉన్నాం. ఈ దీపావళికి థియేటర్స్ కు వచ్చే అన్ని వర్గాల ప్రేక్షకులను కె ర్యాంప్ ఎంటర్ టైన్ చేస్తుంది. యూత్ ఫుల్ ఎంటర్ టైనర్ ఇది. మా టీమ్ అంతా బాగా సపోర్ట్ చేశారు. వారి సపోర్ట్ వల్లే సెట్స్ లో ఎంతో కంఫర్ట్ గా షూటింగ్ చేశాం. కథలో ఉన్న ఫన్ ను సెట్స్ లోనూ ఫీల్ అయ్యాం. మళ్లీ కాలేజ్ కు వెళ్లిన వైబ్ కలిగింది. నాతో ఈ మూవీ చేసిన ప్రొడ్యూసర్స్, రాజేశ్, శివ గారికి థ్యాంక్స్. హీరోయిన్ యుక్తికి హీరోతో ఈక్వల్ ఇంపార్టెన్స్ ఉన్న క్యారెక్టర్ ఉంది. తన పర్ ఫార్మెన్స్ మీ అందరినీ ఆకట్టుకుంటుంది. ఈ మూవీలో నేను చిల్లరగా ఉంటా, యుక్తి క్యారెక్టర్ పిచ్చిది. వీళ్లిద్దరు కలిస్తే ఎంత ఫన్ క్రియేట్ అవుతుందో థియేటర్స్ లో చూస్తారు. ప్రమోషనల్ కంటెంట్ లో ఇప్పటికే మీరు చూసి ఉంటారు. ఇలాంటి పిచ్చి గర్ల్ ఫ్రెండ్ ఉంటే మీకు కూడా బూతులు వస్తాయి. మ్యూజిక్ డైరెక్టర్ చేతన్ తో నా మూడో చిత్రమిది.

ఎస్ఆర్ కల్యాణమండపం, వినరో భాగ్యము విష్ణు కథ తర్వాత కె ర్యాంప్ చేస్తున్నాడు. ఆర్ఆర్ తో మూవీ చూశాక చాలా హ్యాపీగా ఫీలయ్యా. నరేష్ గారు, సాయి కుమార్ గారు..ఇలా మా ఆర్టిస్టులంతా సెట్ లోకి రాగానే ఒక సూపర్ హిట్ మూవీకి వర్క్ చేస్తున్నామనే ఫీల్ తో షూటింగ్ చేశాం. నరేష్ గారు ఎనర్జిటిక్ గా పర్ ఫార్మ్ చేశారు. మా జైన్స్ నాని మహేశ్ ఫ్యాన్, నేను పవన్ కల్యాణ్ ఫ్యాన్. ఈ ఇద్దరు ఫ్యాన్స్ మధ్య ఉండే వార్ చాలా స్పెషల్. మళ్లీ వాళ్లే మంచి ఫ్రెండ్స్ అవుతారు. అలా నేను జైన్స్ నాని ఫ్రెండ్స్ అయ్యాం. తను కథ చెబుతున్నంత సేపూ నవ్వుతూనే ఉన్నా. ఈ జర్నీలో నాని నాకొక బ్రదర్ అయ్యాడు. అతన్ని చూస్తేనే నవ్వొస్తుంది. కంప్లీట్ ఎంటర్ టైన్ మెంట్ తో మూవీ చేసి ఒక వైబ్ క్రియేట్ చేయాలి అనుకున్నాం. అలాగే సినిమా చేశాం. ఈ చిత్రంలో కుమార్ క్యారెక్టర్ ప్లే చేసేప్పుడు చాలా ఎంజాయ్ చేశాను.

ఒకట్రెండు డైలాగ్స్ చూసి సినిమాపై అభిప్రాయానికి రాకండి. నా మూవీ ఫ్యామిలీ అంతా కలిసి చూసేలా ఉంటుంది అది నా గ్యారెంటీ. ఎక్కడా ఇబ్బంది పడరు. డబ్బున్న కుర్రాడు జాలీ లైఫ్ గడపాలని అనుకుంటాడు. ఒక క్రేజ్ క్రియేట్ చేసేందుకే ఆ ఎలిమెంట్ ను ప్రమోట్ చేస్తున్నాం. పండుగ నాలుగు రోజులు వస్తుంది. ఫ్యామిలీతో కలిసి చూసి కె ర్యాంప్ మూవీని ఎంజాయ్ చేస్తారు. నువ్వు నాకు నచ్చావ్, మళ్లీశ్వరి, వెంకీ, రెడీ..ఇలాంటి ఎంటర్ టైనర్స్ లా మా కె ర్యాంప్ చిత్రాన్ని రిపీటెడ్ గా చూడాలని అనుకుంటారు. గత దీపావళికి అన్ని సినిమాలు హిట్ అయ్యాయి. ఈ సారి మా కె ర్యాంప్ మిమ్మల్ని ఆకట్టుకుంటుంది. ఈ చిత్రంతో మీకు కావాల్సినంత ఎంటర్ టైన్ మెంట్ దక్కుతుంది. నేను మాటిస్తున్నా. అన్నారు.

Click here for Photogallery