Jailer2: సెప్టెంబర్ కి వాయిదా పడ్డ జైలర్2?
- Published By: Sravani
- May 14, 2026 / 02:18 PM IST
సూపర్ స్టార్ రజినీకాంత్(Rajinikanth) నటిస్తున్న అత్యంత ప్రతిష్టాత్మక సినిమా జైలర్2(Jailer2) షూటింగ్ ఇటీవల పూర్తైనట్టు సమాచారం. అయితే ఈ సినిమా రిలీజ్ డేట్ పై చిత్రబృందం ఇంకా అధికారిక ప్రకటన చేయలేదు. మొదట ఈ సినిమాను ఆగస్టులో రిలీజ్ చేయాలని భావించినప్పటికీ, తాజాగా వచ్చిన పరిణామాలతో రిలీజ్ ప్లాన్ మారినట్లు టాక్ వినిపిస్తోంది. ముఖ్యంగా మెగాస్టార్ చిరంజీవి(Chiranjeevi) నటిస్తున్న విశ్వంభర(Vishwambara) ఆగస్టు 15న విడుదల కానుందని ప్రచారం జరుగుతుండటంతో, అదే సమయంలో జైలర్2 విడుదల ఉండదని స్పష్టమైంది.
ఇక ఆగస్టులో ఇతర భాషల్లోనూ భారీ సినిమాలు రిలీజ్కు సిద్ధమవుతున్న నేపథ్యంలో, అన్ని భాషల్లో సౌకర్యవంతమైన రిలీజ్ కోసం జైలర్2 టీమ్ కొత్త డేట్పై ఆలోచిస్తున్నట్లు సమాచారం. తాజా సమాచారం ప్రకారం, ఈ సినిమాను సెప్టెంబర్ 4న రిలీజ్ చేయాలని నిర్మాతలు పరిశీలిస్తున్నారని సినీ వర్గాల్లో చర్చ జరుగుతోంది. భారీ అంచనాల మధ్య తెరకెక్కుతున్న ఈ యాక్షన్ ఎంటర్టైనర్పై ఇప్పటికే అభిమానుల్లో ఆసక్తి పెరిగిపోయింది.
ఈ సినిమాకు నెల్సన్ దిలీప్కుమార్(Nelson Dilipkumar) దర్శకత్వం వహిస్తుండగా, సన్ పిక్చర్స్(Sun Pictures) నిర్మిస్తోంది. మొదటి భాగంలో నటించిన రమ్య కృష్ణన్(Ramya Krishnan), యోగి బాబు(Yogi Babu), మిర్నా(Mirnaa) తమ పాత్రలను మళ్లీ పోషించనున్నారు. ఇక ఈ సీక్వెల్లో ఎస్జే సూర్య(SJ Suryah) ప్రధాన ప్రతినాయకుడిగా కనిపించనున్నాడు. అలాగే మోహన్లాల్(Mohanlal), శివ రాజ్కుమార్(Shiva Rajkumar) ప్రత్యేక పాత్రల్లో కనిపించనున్నారు.
