ఈ నె 29 నుంచి బ్లూటిక్ సేవలు

ట్విటర్‌లో నకిలీ ఖాతాలను అరికట్టేందుకు నిలిపివేసిన బ్లూటిక్‌ సేవలను పునరుద్ధరించేందుకు పనులు వేగంగా కొనసాగుతున్నాయని సంస్థ అధినేత ఎలాన్‌ మాస్క్‌ తెలిపారు. నవంబర్‌ 29 నుంచి ఈ సబ్‌స్క్రిప్షన్‌ను అందుబాటులోకి తీసుకువస్తామని ఆయన ప్రకటించారు. బ్లూటిక్‌లో ఎలాంటి లోపాలు లేకుండా తీర్చిదిద్దేందుకు కృషి చేస్తున్నామని తెలిపారు. నవంబర్‌ 6 ప్రారంభమైన ఈ సేవలను ట్విటర్‌ ప్రారంభించింది. నెలకు 8 డాలర్లు చెల్లిస్తే కొన్ని అదనపు  ప్రయోజనాలు ఉండేలా బ్లూటిక్‌ సేవలను ప్రారంభించారు. ఈ సేవలు ప్రారంభమైన వెంటనే వెల్లువలా నకిలీ ఖాతాలు పుట్టుకొచ్చాయి. ఈ నకిలీ ఖాతాలు అసలు సంస్థల కంటే ముందే బ్లూటిక్‌ సదుపాయాన్ని పొందాయి. ఇది ఏది నకిలీనో, ఏది అసలు ఖాతానో తెలియక గందరగోళ పరిస్థితులు ఏర్పడ్డాయి.