అమెరికాలో భారత్ జనరిక్ హవా

ఇటీవల కాలంలో భారత్‌ అన్ని రంగాల్లో దూసుకుపోతున్న చిన్న పరిశ్రమల నుంచి భారీ తరహా పరిశ్రమలను ఏర్పాటు చేసుకుని విదేశాలకు ఎగుమతి చేసే స్థాయికి భారత్‌ చేసుకుంది. ఇందులో ముఖ్యంగా భారత్‌ జనరిక్‌ మెడిసిన్‌ తయారు చేస్తూ, మన దేశంలోని అన్ని రాష్ట్రాలకు అందుబాటులో ఉంచడమే కాకుండా ప్రపంచంలో అన్ని దేశాలకు ఎగుమతులు చేస్తుంది. ఇందులో భాగంగానే తక్కువ ధరకు జనరిక్‌ మందుల సరఫరాలో భారతీయ కంపెనీలు అమెరికాలో సత్తా చాటుతున్నాయి. 2022 సంవత్సరంలో అమెరికాలో రోగులు వినియోగించిన మొత్తం జనరిక్‌లో 47శాతం, భారత్‌కు చెందిన జనరిక్‌ కంపెనీలు తయారు చేసినవే ఉన్నట్లు నివేదికలు వెలువడ్డాయి. 

ముఖ్యంగా మానసిక రుగ్మతలు, హైపర్‌ టెన్షన్‌, లిపిడ్‌ రెగ్యులేటర్స్‌, యాంటీ అల్సర్‌, డయాబెటిస్‌ వంటి వ్యాధులకు సంబంధించిన మందులు ఎక్కువగా అమెరికన్లు వాడుతున్నారు. దీంతో 2022లో యూఎస్‌ హెల్త్‌  డిపార్ట్‌మెంట్‌ 216 బిలియన్‌ డాలర్లను ఆదా చేయగలిగింది. అలాగే  2013 నుంచి 2022 మధ్యకాంలో ఏకంగా 1.3 లక్షల కోట్ల డాలర్లను పొదుపు చేసినట్లు నివేదికలు స్పష్టం చేశాయి. దీంతో భారత్‌లో తయారైన జనరిక్‌ మందులకు ప్రపంచవ్యాప్తంగా ఆదరణ దక్కిందని విశ్లేషకులు చెబుతున్నారు.