ఉద్యోగులకు అమెజాన్ షాక్.. మరో 10,000 మంది!

అమెరికా టెక్‌ కంపెనీల్లో తీసివేతల పర్వం కొనసాగుతోంది. ఈ కామర్స్‌ దిగ్గజం అమెజాన్‌ 10,000 మంది ఉద్యోగులను తీసివేయబోతున్నట్టు తెలిసింది. వచ్చే కొన్ని రోజుల్లోనే ఈ తీసివేతలు ఉంటాయని తెలిసింది. ఆమెరికాలో అమెజాన్‌ కంపెనీలో పని చేస్తున్న ఉద్యోగుల్లో ఇది దాదాపు మూడు శాతానికి సమానం. రిటైల్‌, వాయిస్‌  ఆధారిత అలెక్సా, మానవ వనరుల అభివృద్ధి విభాగంలో ఎక్కువగా ఈ తీసివేతలు ఉండే అవకాశం ఉందని భావిస్తున్నారు. ట్విటర్‌, మైక్రోసాఫ్ట్‌తో సహా అనేక అమెరికా టెక్‌ కంపెనీలు ఇప్పటికే వేల మందిని ఇంటికి పంపాయి. రోజు రోజుకీ క్షీణిస్తున్న ఆర్థిక పరిస్థితులు ఇందుకు ప్రధాన కారణమని నిపుణులు చెబుతున్నారు.