వలస విధానంలో మార్పులకు జో బైడెన్ సుముఖం

అమెరికా వీసాలపై డొనాల్డ్‌ ట్రంప్‌ విధించిన ఆంక్షలు తొలగించి పాత వలస విధానాన్ని అమలుచేసేందుకు నూతన అధ్యక్షుడు జో బైడెన్‌ సుముఖంగా ఉన్నారని వైట్‌హౌస్‌ వర్గాలు ప్రకటించాయి. కొద్దివారాలుగా పలు కీలక నిర్ణయాలు ప్రకటించిన విషయాన్ని గుర్తుచేస్తూ.. అవి ఆరంభం మాత్రమేనని చాలా విధానాల్లో కీలక మార్పులు ఉంటాయని వైట్‌హౌస్‌ సీనియర్‌ ప్రతినిధి ఒకరు మీడియాకు తెలిపారు. అమానవీయ, అనైతిక, వర్గాలవారీగా విభజించే విధానాలను సవరించే పనిలో అధ్యక్షుడు ఉన్నారని వెల్లడించారు. అమెరికాలో శాశ్వత నివాసం. గ్రీన్‌కార్డు జారీకి ఉన్న పరిమితిని తొలగించేవరకు భారత్‌లో జన్మించినవారికి హెచ్‌1బీ వీసా ఇవ్వొద్దని ప్రవాస భారతీయులకు ప్రాతినిధ్యం వహిస్తున్న ఇమిగ్రేషన్‌ వాయిస్‌ పిలుపు నేపథ్యంలో వైట్‌హౌస్‌ వర్గాలు ఈ మేరకు ప్రకటన చేశాయి.