Russia : రష్యా కు డొనాల్డ్‌ ట్రంప్‌  ఊహించని షాక్‌

అమెరికా అధ్యక్షుడు డొనాల్డ్‌ ట్రంప్‌ రష్యా (Russia) కు ఊహించని షాక్‌ ఇచ్చారు. ఉక్రెయిన్‌-రష్యా మధ్య కాల్పుల విరమణ ఒప్పందం, శాంతి ఒప్పందం కుదిరేదాకా రష్యాపై భారీ స్థాయిలో ఆంక్షలు, టారిఫ్‌ (Tariff) లు విధించాలని తీవ్రంగా యోచిస్తున్నట్లు ప్రకటించారు. రష్యా, ఉక్రెయన్‌ వెంటనే శాంతి చర్చలకు శ్రీకారం చుట్టాలని స్పష్టం చేశారు. ఆలస్యం కాకముందే ఆ పని ప్రారంభిస్తే బాగుంటుందని హితవు పలికారు. నిన్నటిదాక రష్యా పట్ల సానుకూలంగా మాట్లాడిన ట్రంప్‌ (Trump)  హఠాత్తుగా స్వరం మార్చేయడం చర్చనీయాంశంగా మారింది. అయితే రష్యాకు ట్రంప్‌ హెచ్చరికలు జారీ చేయడం కొత్తేమీ కాదు. ఈ ఏడాది జనవరిలో అధ్యక్షుడిగా బాధ్యతలు చేపట్టిన వెంటనే రష్యాను ఉద్దేశించి కఠిన వ్యాఖ్యలు చేశారు. ఉక్రెయిన్‌ (Ukraine)పై యుద్ధాన్ని నిలిపివేయకపోతే మరిన్ని ఆంక్షలు విధిస్తామని, రష్యా ఉత్పత్తులపై అధికంగా టారిఫ్‌లు వసూలు చేస్తామని తేల్చి చెప్పారు. ఆయన తన వైఖరికి కట్టుబడి ఉన్నట్లు తెలుస్తోంది. యుద్దాన్ని ముగించే దిశగా రష్యాపై ఒత్తిడి పెంచడానికి ఆంక్షలు, టారిఫ్‌లను మరోసారి తెరపైకి తెచ్చినట్లు సమాచారం.