Betting App: బెట్టింగ్‌ యాప్‌ల కేసుల్లో కీలక పరిణామం

బెట్టింగ్‌ యాప్‌ (Betting app ) ల కేసుల్లో కీలక పరిణామం చోటు చేసుకుంది. మియాపూర్‌ (Miyapur) లో నమోదైన కేసులో భాగంగా యాప్‌ల యజమానులను పోలీసులు నిందితుల జాబితాలో చేర్చారు. ఈ లిస్టులో మొత్తం 19 యాప్‌ల యాజమానులున్నారు. జిగిల్‌ రమి డాట్‌ కామ్‌ (Jigil Rami.com), ఏ 23, యోలో 247, ఫెయిర్‌ ఫ్లే, జీత్‌విన్‌, విబుక్‌, తాజ్‌ 77, వివి బుక్‌, ధనిబుక్‌ 365, మామ 247, తెలుగు 365, ఎస్‌365, జెట్‌ఎక్స్‌, పరిమ్యాచ్‌, తాజ్‌ 777 బుక్‌, ఆంధ్రా 365 యాప్‌ల యాజమానులను నిందితుల జాబితాలో చేర్చారు. ఈ మేరకు పోలీసులు (Police) వారికి నోటీసులు ఇచ్చి విచారించనున్నారు. ఈ కేసు విచారణలో భాగంగా ఇప్పటికే పలువురు సినీ ప్రముఖులు, ఇన్‌ఫ్లుయెన్సర్లు సహా 25 మందిపై కేసు నమోదైన విషయం తెలిసిందే.