అక్టోబర్‌ 1 నుంచి ట్రెడా ప్రాపర్టీ షో

అక్టోబర్‌ 1వ తేదీ నుంచి తెలంగాణ రియల్‌ ఎస్టేట్‌ డెవలపర్స్‌ అసోసియేషన్‌ (ట్రెడా) 11వ ప్రాపర్టీ షోను నిర్వహించేందుకు సిద్దమైంది. హైటెక్స్‌ ఎగ్జిబిషన్‌ సెంటర్‌లో మూడు రోజుల పాటు ఈ షో జరగనుంది. నగరానికి చెందిన నిర్మాణ సంస్థలు, ఇంటీరియల్‌ కంపెనీలు, బ్యాంక్‌లు ఈ ప్రదర్శనలో పాల్గొంటున్నాయని ట్రెడా అధ్యక్షులు ఆర్‌ చలపతిరావు తెలిపారు. ఈ సందర్భంగా ఏర్పాటు చేసిన మీడియా సమావేశంలో ఆయన మాట్లాడుతూ ఇతర మెట్రో నగరాలతో పోలిస్తే హైదరాబాద్‌లో ధరలు తక్కువగా ఉన్నాయని, ఇంతకు మించి ధరలు  తగ్గవని, గృహ కొనుగోళ్లకు ఇదే సరైన తరుణమని ఆయన పేర్కొన్నారు. ఈ కార్యక్రమంలో ట్రెడా జనరల్‌ సెక్రటరీ సునీల్‌ చంద్రారెడ్డి, ఎగ్జిక్యూటివ్‌ వైఎస్‌ ప్రెసిడెంట్‌ ఎం.విజయసాయి, ట్రెజరర్‌ కే శ్రీధర్‌ రెడ్డి పాల్గొన్నారు.