Telangana Cabinet: ఎస్సీ కులాల వర్గీకరణ ముసాయిదా బిల్లుకు తెలంగాణ కేబినెట్ ఆమోదం

తెలంగాణ కేబినేట్ (Telangana Cabinet) గురువారం నాడు కీలక సమావేశం నిర్వహించింది. ఈ సమావేశంలోనే ఎస్సీ కులాల వర్గీకరణ ముసాయిదా బిల్లుకు కేబినెట్ ఆమోదముద్ర వేసింది. సీఎం రేవంత్ రెడ్డి అధ్యక్షత వహించిన రాష్ట్ర మంత్రివర్గ సమావేశంలో (Telangana Cabinet) ఈ నిర్ణయం తీసుకున్నారు. ఈ క్రమంలోనే ముసాయిదా బిల్లుకు ఎలాంటి న్యాయపరమైన చిక్కులు ఎదురుకాకుండా తుది మెరుగులు దిద్దాలని అధికారులను సీఎం ఆదేశించారు.

అలాగే త్వరలో జరిగే బడ్జెట్ సమావేశాలను నిర్వహించడం, ఆ సమావేశాల్లో ఏ బిల్లులు ప్రవేశపెట్టాలనే అంశంపై కూడా ఈ మంత్రివర్గ సమావేశంలో (Telangana Cabinet) చర్చించినట్లు తెలుస్తోంది. యాదగిరిగుట్ట దేవస్థానం బోర్డుకు సంబంధించి ఎండోమెంట్ సవరణ బిల్లుపై కూడా మంత్రివర్గం చర్చించిందని, దీనిపై కూడా కీలక నిర్ణయం తీసుకోనున్నారని సమాచారం.