Danam Nagender : సీఎం వచ్చే వరకు ఆపండి … అధికారులపై ఎమ్మెల్యే దానం ఆగ్రహం 

ఖైరతాబాద్‌ చింతల్‌బస్తీలో స్థానిక ఎమ్మెల్యే దానం నాగేందర్‌ (Danam Nagender ) అధికారులపై ఆగ్రహం వ్యక్తం చేశారు. బల్దియా, ట్రాఫిక్‌ పోలీసులు సంయుక్తంగా ఖైరతాబాద్‌(Khairatabad) షాదన్‌ కాలేజీ ఎదురుగా ఫుట్‌పాత్‌పై ఆక్రమణల కూల్చివేతలు చేపట్టారు. విషయం తెలుసుకున్న ఎమ్మెల్యే నాగేందర్‌, అక్కడికి చేరుకొని కూల్చివేతలు ఆపాలని అధికారులను కోరారు. స్థానిక ఎమ్మెల్యే దృష్టికి తీసుకురాకుండా ఎలా కూల్చివేస్తారంటూ అధికారులపై ఆగ్రహం వ్యక్తం చేశారు. పొట్టకూటి కోసం జీవనం సాగిస్తున్న పేదవారిపై దౌర్జన్యం చేయడంపై మండిపడ్డారు. దావోస్‌(Davos)  నుంచి సీఎం రేవంత్‌ రెడ్డి (Revanth Reddy) వచ్చే వరకు కూల్చివేతలు ఆపాలన్నారు. కూల్చివేతలు ఆపకపోతే అక్కడే బైఠాయించి ఆందోళన చేస్తామని హెచ్చరించారు.