KTR: ఈ బడ్జెట్‌ ఢిల్లీ కి మూటలు పంపేందుకు మాత్రమే : కేటీఆర్‌

రాష్ట్ర  ప్రభుత్వం ప్రవేశపెట్టిన బడ్జెట్‌ (Budget) ను వ్యతిరేకిస్తున్నామని బీఆర్‌ఎస్‌ వర్కింగ్‌ ప్రెసిడెంట్‌ కేటీఆర్‌ (KTR)  తెలిపారు. ఈ బడ్జెట్‌ తెలంగాణ ఆర్థిక వ్యవస్థను చిన్నాభిన్నం చేసి పేక మేడలా కూల్చిందని ధ్వజమెత్తారు. అసెంబ్లీ (Assembly)  మీడియా పాయింట్‌ వద్ద ఎమ్మెల్యేలతో కలిసి కేటీఆర్‌ మాట్లాడారు. రాష్ట్ర ప్రభుత్వం ప్రవేశపెట్టిన బడ్జెట్‌ పేదల కష్టాలను తీర్చేలా లేదని మండిపడ్డారు. ఈ బడ్జెట్‌ ఢిల్లీ కి మూటలు పంపేందుకు మాత్రమే ఉపయోగపడేలా ఉందని విమర్శించారు. ఎన్నికల ముందు ఇచ్చిన 420 హామీలను బడ్టెజ్‌లో ఎక్కడా ప్రస్తావించలేదన్నారు. రుణమాఫీ జరిగిందో లేదా కాంగ్రెస్‌ వాళ్లకే అర్థం కావడం లేదని ఎద్దేవా చేశారు. అంకెలు ఎందుకు మారాయో సీఎం రేవంత్‌ రెడ్డి (Revanth Reddy)  చెప్పాలని కేటీఆర్‌ డిమాండ్‌ చేశారు. పదేళ్ల ప్రగతి రథ చక్రానికి పంక్చర్‌ చేశారని కేటీఆర్‌ దుయ్యబట్టారు.