Sridhar Babu: గ్రోత్ ఎక్స్ 2025 సమ్మిట్‌ను ప్రారంభించిన ఐటీ మంత్రి డి. శ్రీధర్ బాబు

తెలంగాణను ఒక ట్రిలియన్ అమెరికన్ డాలర్ ఆర్థిక వ్యవస్థగా మార్చడమే మా లక్ష్యమని ఐటీ మంత్రి డి. శ్రీధర్ బాబు తెలిపారు.

తెలంగాణ వాణిజ్య మరియు పరిశ్రమల సమాఖ్య (FTCCI) యొక్క ఇన్ఫర్మేషన్ కమ్యూనికేషన్ టెక్నాలజీ (ICT)కమిటీ, మాదాపూర్‌లోని HICCలో “గో డిజిటల్ గ్రో బిజినెస్” అనే థీమ్‌తో గ్రోత్ ఎక్స్ 2025 సమ్మిట్‌ను నిర్వహించింది. కృత్రిమ మేధ (AI ) యుగంలో దాని అభిరుద్ది కోసం సాంకేతికతను ఎలా ఉపయోగించుకోవాలనే అంశంపై ప్రత్యేక దృష్టి సారించింది.

గ్రోత్ ఎక్స్ 2025, మొదటి ఎడిషన్ వేదికలో ముక్యంగా జ్ఞాన భాగస్వామ్యం, వ్యాపారం, భాగస్వామ్యాలు, లీడ్ జనరేషన్ మరియు ఆదాయ అవకాశాల కోసం నిర్వహించబడింది.

గ్రోత్ ఎక్స్ 2025 ప్రారంభోత్సవ కార్యక్రమానికి శ్రీ డి. శ్రీధర్ బాబు మరియు తెలంగాణ ప్రత్యేక ప్రధాన కార్యదర్శి శ్రీ జయేష్ రంజన్, శ్రీమతి భవానీ శ్రీ, IAS. భారత ప్రభుత్వంలోని వాణిజ్య & పరిశ్రమల మంత్రిత్వ శాఖలోని డిప్యూటీ డెవలప్‌మెంట్ కమిషనర్ కూడా హాజరయ్యారు.

ప్రారంభోత్సవం సందర్బంగా కార్యక్రమానికి హాజరైన వారిని ఉద్దేశించి శ్రీ డి. శ్రీధర్ బాబు మాట్లాడుతూ, డిజిటల్ ఆవిష్కరణలు వేగంగా అభిరుద్ది చెందుతున్నాయి మారుతున్న కాలానికి అనుగుణంగా పరిశ్రమలు కూడా ముందుకు సాగాలి. మన పరిశ్రమలను మనం మార్చుకోవాలి, సాంప్రదాయ విధానాలు పనిచేయవు. అదే సమయంలో, ఈ ప్రయాణంలో సవాళ్లు ఉన్నాయి, ముఖ్యంగా MSMEలు మరియు SMEలకు. వారికి అనేక పరిమితులు ఉన్నాయి, మూలధనం లేకపోవడం, మార్పు భయం, అవగాహన లేకపోవడం మరియు తయారీ సవాళ్లు మొదలైనవి.

MSMEలు మరియు SMEలు కొత్త సాంకేతిక పరిజ్ఞానాలను ఉపయోగించుకులేకపోతే , వారు తమ పోటీతత్వాన్ని కోల్పోతారు. వారు దీర్ఘకాలంలో నిలబడలేరు. తెలంగాణను ఒక ట్రిలియన్ డాలర్ల ఆర్థిక వ్యవస్థగా మార్చడమే రాష్ట్ర ప్రభుత్వ ఆశయం. పరిశ్రమ మరియు రాష్ట్రం యొక్క ఉమ్మడి మంచి కోసం మేము FTCCI మరియు ICT కమిటీతో కలిసి పని చేస్తామని మంత్రి అన్నారు.

తెలంగాణ జాతీయ వృద్ధి రేటుతో సమానంగా లేదా అంతకంటే ఎక్కువ వేగంతో అభివృద్ధి చెందుతోంది. మా సాఫ్ట్‌వేర్ ఎగుమతులు కూడా ఈ విషయాన్ని రుజువు చేస్తున్నాయి. జాతీయ సగటు వృద్ధి 8% కాగా, తెలంగాణ 17.98% గా నమోదు చేసింది అని ఆయన తెలిపారు

AI (కృత్రిమ మేధస్సు) అన్ని రంగాల పరిశ్రమలు మరియు వ్యక్తులపై నియంత్రణ సాధిస్తోంది. మన పరిశ్రమలు, వ్యాపారాలలో AIని ఉపయోగించుకోకపోతే మరియు సమగ్రపరచకపోతే, మనం సామర్థ్యం, వృద్ధి పథం మరియు లాభదాయకతను కోల్పోతాము. మారుతున్న సాంకేతికతకు అనుగుణంగా ముందుకు సాగడానికి మా ముఖ్యమంత్రి శ్రీ రేవంత్ రెడ్డికి చాలా స్పష్టమైన దృక్పథం ఉంది. రాష్ట్రంలోని అన్ని వాటాదారులు కూడా అభివృద్ధి చెందుతున్న సాంకేతికతలతో వేగంతో ముందుకు సాగాలని ఆయన చాలా గట్టిగా భావిస్తున్నారు. అవగాహన, సామర్థ్య నిర్మాణం ద్వారా దీనిని సాధించవచ్చు. తెలంగాణ ప్రభుత్వం తన వృద్ధి పథంలో పొందుపరచడానికి AIని మొట్టమొదటి మరియు అతి ముఖ్యమైన సాంకేతికతగా భావిస్తుంది. ఇది రాష్ట్ర నాయకత్వం యొక్క మనస్సులో అగ్రస్థానంలో ఉంది. ఇటీవల జరిగిన గ్లోబల్ AI సమ్మిట్ ఆ దిశలో ఒక అడుగు అని మంత్రి అన్నారు.

గ్రోత్ఎక్స్ 2025 యొక్క నాలెడ్జ్ పార్టనర్ అయిన EY సంస్థ తీసుకువచ్చిన థాట్ క్యాపిటల్ నివేదికను మంత్రి ఆవిష్కరించారు. తరువాత EY పార్టనర్ శ్రీ అనిర్బన్ ముఖర్జీ నివేదిక యొక్క సంక్లిప్త వివరణ ఇచ్చారు. భారతదేశం డిజిటల్ ఇంఫ్లెక్షన్స్ గురించి మాట్లాడారు. భారతదేశంలో డిజిటల్ ఆర్థిక వ్యవస్థను నడిపించే కీలక ధోరణుల సారాంశాన్ని వివరించారు. భారతదేశ డిజిటల్ విప్లవం ఒక ట్రెండ్ కాదు ఇది ఒక మలుపు అని ఆయన అన్నారు.

తెలంగాణ ప్రభుత్వ పరిశ్రమలు & వాణిజ్యం (I&C) మరియు సమాచార సాంకేతిక (IT) విభాగాల ప్రత్యేక ప్రధాన కార్యదర్శి శ్రీ జయేష్ రంజన్, జాగ్గిల్ ప్రీపెయిడ్ ఓషన్ సర్వీసెస్ లిమిటెడ్ వ్యవస్థాపకుడు & ఎగ్జిక్యూటివ్ చైర్మన్ డాక్టర్ రాజ్ పి. నారాయణం మరియు ఇతరులను వారు చేసిన వృద్ధికి మరియు సమాజానికి అసాధారణమైన సేవకు వారు చేసిన కృషికి ఆయన ఈ సందర్భంగా సత్కరించి అభినందనలు తెలిపారు.

FTCCI అధ్యక్షుడు డాక్టర్ సురేష్ కుమార్ సింఘాల్ మాట్లాడుతూ, MSMEలు భారత ఆర్థిక వ్యవస్థకు గణనీయమైన సహకారాన్ని అందిస్తున్నాయి, అయినప్పటికీ వారు సాంకేతికతను స్వీకరించడానికి వెనుకాడతారు. పోటీతత్వంతో ఉండటానికి వారు సాంకేతికతను స్వీకరించాలి.

తన ప్రారంభ ప్రసంగంలో శ్రీ మోహన్ రాయుడు మాట్లాడుతూ, గ్రోత్ఎక్స్ 25 డిజిటల్ పరివర్తనకు అంకితమైన వేదిక అని అన్నారు. టెక్నాలజీ ఇకపై సశక్త పరిచేది కాదు, కానీ అది వ్యాపార వృద్ధికి పునాది అని ఆయన అన్నారు.

గ్రోత్ఎక్స్ 2025 సంస్థ చైర్ శ్రీ పంకజ్ దివాన్, తెలంగాణ మరియు హైదరాబాద్ మాచార సాంకేతికత మరియు ఆవిష్కరణలకు రాక్‌స్టార్‌లు అన్నారు . తెలంగాణ ప్రభుత్వ ఆశాజనక భవిష్యత్ చొరవలను ఆయన ప్రశంసించారు. ఈ శిఖరాగ్ర సమావేశం ప్రభుత్వం & విధాన నిర్ణేతలు, పరిశ్రమ, పెట్టుబడిదారులు, స్టార్టప్‌లు మరియు విద్యాసంస్థల సంగమం అని ఆయన అన్నారు. డిజిటల్ తయారీ, AI, డేటా మరియు గోప్యత, కస్టమర్ మరియు వృద్ధి, నైపుణ్యం మరియు ప్రతిభ వంటి అంశాలు సమ్మిట్‌లో చర్చించడం జరిగింది.

ఈ సమ్మిట్‌లో భారత ప్రభుత్వ ఎలక్ట్రానిక్స్ మరియు ఐటీ మంత్రిత్వ శాఖ (MeitY)లోని MeitY స్టార్టప్ హబ్ CEO శ్రీ పన్నీర్‌సెల్వం మదనగోపాల్; ఎమర్జింగ్ టెక్, PwC భాగస్వామి శ్రీ రాజేష్ దుడ్డు; జాగ్గిల్ ప్రీపెయిడ్ ఓషన్ సర్వీసెస్ లిమిటెడ్ వ్యవస్థాపకుడు & ఎగ్జిక్యూటివ్ చైర్మన్ డాక్టర్ రాజ్ పి నారాయణం; శ్రీ అనిర్బన్ ముఖర్జీ, లీడ్ పార్టనర్ EY ఇండియా హైదరాబాద్; వైస్ ప్రెసిడెంట్ & హెడ్ – మెంబర్‌షిప్ & ఔట్రీచ్ శ్రీ శ్రీకాంత్ శ్రీనివాసన్ సహా పలువురు ప్రముఖులు పాల్గొన్నారు.

ఈ సమ్మిట్‌లో నిర్ణయాధికారులు/CXOలు, FTCCI సభ్యులు, IT, పాలసీ మేకర్స్, ఇన్వెస్టర్లు మరియు స్టార్టప్‌లతో సహా 450 మందికి పైగా పాల్గొన్నారు.

సమ్మిట్‌తో పాటు ఎక్స్‌పో జోన్‌ను ఏర్పాటు చేశారు. మరియు అనేక స్టార్టప్‌లు మరియు IT కంపెనీలు స్టాల్‌లను కలిగి ఉన్నాయి. క్లోజ్డ్ గ్రూప్ ఇంటరాక్షన్‌ల కోసం ఒక బిజినెస్ లాంజ్‌ను ఏర్పాటు చేశారు.

ఈ సమ్మిట్‌ను నిర్వహించడానికి FTCCI We-Hub, T-Hub, T-Works, DSCI, TASK, SucSEED వెంచర్, AWS, Google మరియు Microsoft లతో భాగస్వామ్యం కుదుర్చుకుంది.

శ్రీ రవి కుమార్, శ్రీ కెకె మహేశ్వరి, సీనియర్ VP మరియు VP, FTCCI మాజీ అధ్యక్షులు, MC సభ్యులు, ICT కమిటీ సహ అధ్యక్షులు మరియు సభ్యులు బాల పెద్దిగారి, CV అనిరుధ్ రావు, మనీష్ గుప్తా, శ్రీ లలిత్ శర్మ, శ్రీమతి శీతల్ శ్రీకాంత్ వంటి వారు ప్రారంభోత్సవ కార్యక్రమంలో పాల్గొన్నారు.