TTA: టీటీఏ ఆధ్వర్యంలో ఉచిత వైద్య శిబిరం:.. మహిళలు, దివ్యాంగ పిల్లలకు సేవలు

వరంగల్ (హన్మకొండ): తెలంగాణ అమెరికన్ తెలుగు సంఘం (TTA – Telangana American Telugu Association) ఆధ్వర్యంలో ప్రతిష్టాత్మకమైన ‘TTA సేవా డేస్-2025’ లో భాగంగా హన్మకొండలో మహిళలకు ప్రత్యేకంగా ఉచిత వైద్య శిబిరం, అలాగే మానసిక వికలాంగుల (దివ్యాంగుల) పిల్లల కోసం కార్యక్రమం నిర్వహించనున్నారు. ఈ ముఖ్యమైన సేవా కార్యక్రమం సోమవారం, డిసెంబర్ 15, 2025 న జరగనుంది. ఈ కార్యక్రమం ఉదయం 9:30 AM నుండి 12:00 PM వరకు నిర్వహిస్తారు. ఈ శిబిరానికి వేదిక మల్లికాంబ మనోవికాస కేంద్రం, శ్రీనివాస నగర్, హన్మకొండ, వరంగల్ – 506001, తెలంగాణ. ఈ ప్రత్యేక కార్యక్రమాన్ని జ్యోతి రెడ్డి దూదిపాల(భారతీయ అనాథల హక్కుల కార్యకర్త) స్పాన్సర్ చేస్తున్నారు. TTA నాయకత్వం ఈ ప్రాంత ప్రజలు, ముఖ్యంగా మహిళలు, దివ్యాంగ పిల్లల తల్లిదండ్రులు, ఈ ఉచిత వైద్య సేవలను సద్వినియోగం చేసుకోవాలని కోరింది. ఈ కార్యక్రమం డిసెంబర్ 8 నుండి డిసెంబర్ 22, 2025 వరకు జరిగే TTA సేవా డేస్-2025 లో ఒక భాగం.