CP Sajjanar: నా పేరుతో నకిలీ ఫేస్ బుక్ ఐడీ … స్పందించిన సీపీ సజ్జనార్

తన పేరుతో సైబర్ నేరగాళ్లు నకిలీ ఫేస్ బుక్ (Facebook) ఖాతా సృష్టించారని హైదరాబాద్ నగర సీపీ సజ్జనార్(CP Sajjanar) తెలిపారు. ఆపదలో ఉన్నానని, డబ్బులు పంపాలని మోసపూరిత మెసేజ్ (Message) లు పంపిస్తున్నారని పేర్కొన్నారు. ఇప్పటికే ఓ స్నేహితుడు నిజమని నమ్మి రూ.20 వేలు పంపి మోసపోయారని చెప్పారు. డబ్బులు పంపాలని వచ్చే మెసేజ్ లను ఎవరూ నమ్మవద్దని విజ్ఞప్తి చేశారు. అనుమానాస్పద లింక్లు, మెసేజ్ లు, వీడియో కాల్స్ వస్తే బ్లాక్ చేయాలని సూచించారు. ఆయా సైట్లు బ్లాక్ చేసి పోలీసులకు ఫిర్యాదు చేయాలన్నారు. సైబర్ మోసాలపై 1930 హెల్ప్ లైన్ లేదా www.cybercrime.gov.in వెబ్ సైట్ లో ఫిర్యాదు చేయాలని కోరారు.