Azharuddin: మంత్రిగా ప్రమాణ స్వీకారం చేసిన అజారుద్దీన్‌

తెలంగాణ రాష్ట్ర మంత్రిగా అజారుద్దీన్‌ (Azharuddin) ప్రమాణ స్వీకారం చేశారు. గవర్నర్‌ జిష్ణుదేవ్‌ వర్మ (Jishnu Dev Varma) ఆయనతో ప్రమాణం చేయించారు. ఈ కార్యక్రమంలో ముఖ్యమంత్రి రేవంత్‌ రెడ్డి (Revanth Reddy), మంత్రులు పాల్గొన్నారు.  1963 ఫిబ్రవరి 8న హైదరాబాద్‌లో అజారుద్దీన్‌ జన్మించారు. అబిడ్స్‌లోని ఆల్‌ సెయింట్స్‌ హైస్కూల్‌లో పాఠశాల విద్యను అభ్యసించారు. నిజాం కాలేజీ (Nizam College) లో బీకాం చదివారు. మేనమామ జైనులాబుద్దీన్‌  స్ఫూర్తితో క్రికెట్‌ వైపు అడుగులు వేశారు. 1984లో అంతర్జాతీయ క్రికెట్‌లో రంగప్రవేశం చేశారు. అజారుద్దీన్‌ క్రికెటర్‌గా ప్రత్యేక గుర్తింపు తెచ్చుకున్నారు. తొలి మూడు టెస్టుల్లోనూ సెంచరీలతో సంచలనం సృష్టించారు. 1989లో భారత క్రికెట్‌ జట్టు కెప్టెన్‌గా బాధ్యతలు చేపట్టారు. 16 ఏళ్ల క్రికెట్‌ కెరీర్‌లో 99 టెస్టులు, 334 వన్డేలు ఆడారు. రిటైర్మెంట్‌ తర్వాత రాజకీయాల్లోకి వచ్చారు. 2009 ఫిబ్రవరి  19న కాంగ్రెస్‌పార్టీలో చేరారు. అదే సంవత్సరం యూపీలోని మొరాదాబాద్‌ స్థానం నుంచి ఎంపీగా గెలుపొందారు. 2018లో తెలంగాణ పీసీసీ వర్కింగ్‌ ప్రెసిడెంట్‌గా అజారుద్దీన్‌ను నియమించారు.

Click here for Photogallery