స్ట్రోక్ థ్రోంబోలిసిస్ (రక్తం గడ్డకట్టడం) మరియు థ్రోంబెక్టమీపై ప్రతిష్టాత్మక STAT-2025 సదస్సును నిర్వహించిన అపోలో హాస్పిటల్స్

• తీవ్రమైన స్ట్రోక్ (అక్యూట్ స్ట్రోక్) సంరక్షణలో పరివర్తనాత్మక ఆవిష్కరణలను ప్రపంచ నిపుణులు చర్చించారు.

• అధునాతన ఇమేజింగ్, విప్లవాత్మక చికిత్సలు మరియు సంచలనాత్మక థ్రోంబెక్టమీ విధానాలపై పరిజ్ఙానం పంచుకున్నారు.

అపోలో హాస్పిటల్స్(Apollo Hospitals) విజయవంతముగా మార్చి 8 మరియు 9, 2025 తేదీలలో ది హోటల్ వెస్టిన్ మైండ్‌స్పేస్‌లో స్ట్రోక్ థ్రోంబోలిసిస్ (-stroke-thrombolysis) మరియు థ్రోంబెక్టమీ(thrombectomy) పై STAT-2025 సదస్సును విజయవంతంగా నిర్వహించింది. ఈ ప్రతిష్టాత్మక కార్యక్రమం తీవ్రమైన స్ట్రోక్ నిర్వహణలో అత్యాధునిక పురోగతి, వినూత్న ఇమేజింగ్ పద్ధతులు , క్లిష్టమైన విధానపరమైన వ్యూహాలను చర్చించడానికి ప్రముఖ అంతర్జాతీయ , జాతీయ నిపుణులను సమావేశపరిచింది.

ఈ సదస్సును, ముఖ్య అతిథిగా హాజరైన తెలంగాణ డీజీపీ డాక్టర్ జితేందర్, తెలంగాణ ప్రాంత సీఈఓ శ్రీ వీ తేజస్వి రావు ప్రారంభించారు. ఈ కార్యక్రమానికి ప్రముఖ వైద్య నిపుణులు, అపోలో హాస్పిటల్స్ అసోసియేట్ డీఎంఎస్ డాక్టర్ సుబ్బారెడ్డి, అపోలో హాస్పిటల్స్ సీనియర్ కన్సల్టెంట్-న్యూరాలజిస్ట్ డాక్టర్ అలోక్ రంజన్, సీనియర్ కన్సల్టెంట్-న్యూరాలజిస్ట్ డాక్టర్ సుధీర్ కుమార్ కూడా హాజరయ్యారు.

ప్రారంభోత్సవానికి హాజరైన ప్రఖ్యాత అంతర్జాతీయ వైద్య నిపుణులలో బాసెల్, స్విట్జర్లాండ్ కు చెందిన డాక్టర్ మారియోస్ సైకోగియోస్, బార్సిలోనా, స్పెయిన్ కు చెందిన డాక్టర్ మార్క్ రిబో, అల్బానీ, న్యూయార్క్, యుఎస్ఏ కు చెందిన డాక్టర్ నబీల్ హెరియల్, ఫిలడెల్ఫియా, యుఎస్ఏ కు చెందిన డాక్టర్ రీడ్ గూచ్, ఫిలడెల్ఫియా, యుఎస్ఏ కు చెందిన డాక్టర్ ఉస్మాన్ కోజాక్ మరియు ఇస్తాంబుల్, టర్కీ కు చెందిన డాక్టర్ యిల్మాజ్ ఓనాల్ ఉన్నారు.

అపోలో గ్రూప్, జాయింట్ మేనేజింగ్ డైరెక్టర్, డాక్టర్ సంగీత రెడ్డి మాట్లాడుతూ “ప్రపంచవ్యాప్తంగా వైకల్యం , మరణాలకు ఒక ముఖ్యమైన కారణంగా తీవ్రమైన స్ట్రోక్ నిలుస్తుంది. STAT-2025 వంటి సదస్సులు ప్రపంచ నాయకుల మధ్య విప్లవాత్మక ఆలోచనలు, పద్ధతులు, అనుభవాల మార్పిడిని సులభతరం చేయడం ద్వారా స్ట్రోక్ కేర్‌ను మార్చడంలో కీలక పాత్ర పోషిస్తాయి. అపోలో వద్ద మేము, ప్రతి రోగికి వేగవంతమైన, సమర్థవంతమైన మరియు ప్రభావవంతమైన స్ట్రోక్ చికిత్స లభించేలా చూసుకోవడానికి , వైద్య ఆవిష్కరణలలో ముందంజలో ఉండటానికి ప్రయత్నిస్తుంటాము. మా లక్ష్యం కేవలం ప్రాణాలను కాపాడటమే కాదు, స్ట్రోక్ నుండి బయటపడిన వారి జీవన నాణ్యతను నిర్ధారించడం కూడా..” అని అన్నారు.

అపోలో హాస్పిటల్స్ తెలంగాణ ప్రాంత సీఈఓ శ్రీ వి తేజస్వి రావు మాట్లాడుతూ, “అపోలో హాస్పిటల్స్‌ వద్ద, ఆవిష్కరణ, నైపుణ్యం ద్వారా తీవ్రమైన స్ట్రోక్ కేర్‌ను ముందుకు తీసుకెళ్లడానికి మేము కట్టుబడి ఉన్నాము. స్ట్రోక్ థ్రోంబోలిసిస్ మరియు థ్రోంబెక్టమీలో విప్లవాత్మక పురోగతిని చర్చించడానికి ప్రపంచ మరియు జాతీయ నిపుణులను ఒకచోట చేర్చడానికి STAT-2025 సమావేశం కీలకమైన వేదికగా పనిచేస్తుంది. రోగికి మెరుగైన ఫలితాలను అందించటానికి తోడ్పడనుంది ” అని అన్నారు.

అపోలో హాస్పిటల్స్ తెలంగాణ ప్రాంత మెడికల్ సర్వీసెస్ డైరెక్టర్ డాక్టర్ రవీంద్ర బాబు మాట్లాడుతూ, “స్ట్రోక్ నిర్వహణలో సకాలంలో తగిన వైద్య సేవలను అందించడం చాలా కీలకం. STAT-2025 సమావేశం ఈ రంగంలో అవగాహన మరియు క్లినికల్ నైపుణ్యాన్ని పెంపొందించడం లక్ష్యంగా పెట్టుకుంది. తాజా చికిత్సలు , సాంకేతికతలపై చర్చలను ప్రోత్సహించడం ద్వారా, తీవ్రమైన స్ట్రోక్ కేర్‌లో కొత్త ప్రమాణాలను నిర్దేశించటానికి మరియు రోగులకు మెరుగైన ఫలితాలను నిర్ధారించడానికి మేము కృషి చేస్తున్నాము ” అని అన్నారు.

ఈ సమావేశంలో పరిజ్ఙానంతో కూడిన కీలక ప్రసంగాలు, ఇంటరాక్టివ్ సెషన్‌లు, క్లినికల్ వివాదాలపై చర్చలు మరియు సదస్సుకు హాజరైన వారిని సైద్ధాంతిక జ్ఞానం, ఆచరణాత్మక అనుభవంతో సన్నద్ధం చేయడానికి రూపొందించిన వివరణాత్మక వర్క్‌షాప్‌లు జరిగాయి.

మొదటి రోజు సెషన్‌లలో స్ట్రోక్ మహమ్మారి పై చర్చలు జరిగాయి, భారతదేశంలో స్ట్రోక్ యొక్క మారుతున్న జనాభాను వెల్లడి చేశాయి. రోగి ఫలితాలను మెరుగుపరచడానికి ప్రీ-హాస్పిటల్ కేర్ యొక్క ప్రాముఖ్యతను ఇవి నొక్కి చెప్పాయి. డాక్టర్ సుధీర్ కుమార్ మరియు డాక్టర్ సుభాష్ కౌల్ పెద్ద నాళాల స్ట్రోక్‌లను గురించి సవివరంగా తెలిపారు, వాటి ఔచిత్యం, ప్రాబల్యం మరియు ముందస్తు అంచనా పద్ధతులను నొక్కి చెప్పారు.

ఇమేజింగ్ పద్ధతులపై దృష్టి సారించిన ప్రత్యేక, ఆకర్షణీయమైన సెషన్ లో ఇమేజింగ్, అవసరమైన పరేన్చైమల్, వాస్కులర్ ఇమేజింగ్ పద్ధతులను సదస్సుకు హాజరై వారికి పరిచయం చేయడం చేశారు, అలాగే CT/MRI పెర్ఫ్యూజన్ , కృత్రిమ మేధస్సు-ఆధారిత అల్గోరిథంలతో సహా అధునాతన పెర్ఫ్యూజన్ ఇమేజింగ్ , బేసిక్ ఇమేజింగ్ యొక్క ఆవశ్యకత గురించి వక్తలు చర్చించారు, రోగి ని బట్టి అనుకూలీకరించిన విధానాలతో ఉత్తమ ఫలితాలను అందించవచ్చని తేల్చారు.

“థ్రోంబోలిసిస్ & బియాండ్” అనే సెషన్‌లో, డాక్టర్ మార్క్ రిబోతో సహా వక్తలు తాజా నవీకరణలను వెల్లడించారు. నిర్దేశించబడిన మార్గదర్శకాలకు మించి ఇంట్రావీనస్ థ్రోంబోలిసిస్‌ను విస్తరించడం, విప్లవాత్మక చికిత్సా అంశాలను మరియు తీవ్రమైన స్ట్రోక్ రోగులకు చికిత్స చేయడంలో వాటి సంభావ్య పాత్రలను అన్వేషించడం గురించి చర్చించారు.

రిపెర్ఫ్యూజన్ మరియు రోగి ఫలితాలను ప్రభావితం చేసే కారకాలపై ఇతర చర్చలు జరిగాయి. సదస్సుకు హాజరైన వారిలో ఆరోగ్యకరమైన చర్చను జరిగేలా చేశాయి.