Jagan: అరెస్టు అపోహల నడుమ జగన్ పాదయాత్ర ప్రణాళిక.. జనం ఆయుధంగా మారుతారా?

వైఎస్సార్ కాంగ్రెస్ పార్టీ (YSRCP) అధ్యక్షుడు జగన్ మోహన్ రెడ్డి (Jagan Mohan Reddy) అరెస్ట్ గురించి ఇటీవల రాజకీయ వర్గాల్లో హాట్ టాపిక్‌గా మారింది. లిక్కర్ కేసుతో సంబంధమున్న పలువురు కీలక నేతలు ఇప్పటికే అరెస్టు కావడంతో ఇక మిగిలింది జగన్ మాత్రమే అనే ప్రచారం ఊపందుకుంది. కొందరైతే ఆయనను ‘బిగ్ బాస్’ (Big Boss) అని ఉద్దేశిస్తూ, ఇక అతి పెద్ద వ్యక్తి మాత్రమే అరెస్టు కాలేదని అంటున్నారు. కూటమిలోని మంత్రులు, ఎమ్మెల్యేలు జగన్ పేరునే నేరుగా ప్రస్తావిస్తూ తీవ్ర వ్యాఖ్యలు చేస్తున్నారు.

ఇదే సమయంలో వైసీపీ లోపల కూడా ఈ అంశం మీద చర్చలు జరుగుతున్నాయని సమాచారం. జగన్‌ను ఒక వేళ అరెస్టు చేస్తే, ఆ పరిస్థితిని ఎలా ఎదుర్కోవాలి అనే దానిపై పార్టీ నేతలు తమ తమ అభిప్రాయాలు వెల్లడిస్తున్నారని తెలుస్తోంది. పార్టీకి చెందిన కొందరు ప్రముఖులు అయితే జగన్ ప్రజల్లో మరింత కనిపించేలా చర్యలు తీసుకోవాలని సూచిస్తున్నారు. ఇకపై మామూలు రాజకీయ కార్యక్రమాలకంటే ప్రజల మధ్య ఉండే విధంగా స్ట్రాటజీ మార్చాలని కోరుతున్నారు.

ఇంతవరకు జగన్ 2027లో పాదయాత్ర (Padayatra) చేయాలని అనుకున్నారు కానీ ప్రస్తుత పరిస్థితుల విద్య రాజమండ్రి (Rajahmundry) అనంతపూర్ (Anantapur), విశాఖపట్నం (Visakhapatnam) వంటి జిల్లాల్లో ఆ యాత్రను ముందుకు తీసుకురావాలని భావిస్తున్నారట. ప్రస్తుతం ఆయన వారంలో నాలుగు రోజులు తాడేపల్లి (Tadepalli) లో, మిగిలిన రోజులు బెంగళూరు (Bengaluru) లో ఉంటున్నారు. ఈ నేపథ్యంలో ప్రజల్లో ఉండే సమయంలో ఆయనపై చర్యలు తీసుకుంటే అవి తీవ్ర ప్రభావాన్ని కలిగిస్తాయని విశ్లేషిస్తున్నారు. అదే ప్రజల్లో కలిసి వారి బాధలు వింటూ ఉండగా ఆయనపై చర్యలు తీసుకుంటే పెద్ద ఎత్తున మద్దతు కలుగుతుందని పార్టీకి చెందినవారు భావిస్తున్నారు.

జిల్లా పర్యటనలు చేయాలని తొలుత అనుకున్నా, వాటికి అనుమతులు మంజూరు కావడం లేదని భావించి పాదయాత్రకు మారినట్టు తెలుస్తోంది. ఇది పూర్తిగా ఒకేసారి కాకుండా నాలుగు విడతలుగా, ఒక్కో దశలో ఒక్కో ప్రాంతాన్ని కవర్ చేస్తూ నెమ్మదిగా కొనసాగించాలని యోచన. రాయలసీమ, ఉత్తరాంధ్ర, కోస్తాంధ్ర ప్రాంతాల్లో మారుమూల గ్రామాల వరకు వెళ్లేలా వ్యూహం సిద్ధం చేస్తున్నట్టు తెలుస్తోంది.

అయితే దీన్ని నిర్వహించడానికి కావలసిన ఖర్చును ఎవరు భరిస్తారు అన్నది ఒక ప్రశ్నగా మారింది. కార్యకర్తలు, నాయకులు ఖర్చును మోయలేరని, అధినాయకత్వమే ఖర్చును మోయాలని సలహాలు వస్తున్నాయి. ఏదేమైనా జగన్ అరెస్టు జరిగితే, అది కక్ష సాధింపుగా చూపించి ప్రజల్లో మరింత సానుభూతిని పొందాలనే ప్రయత్నం పార్టీ చేస్తుందనే అభిప్రాయాలు వినిపిస్తున్నాయి. ఇది ఎంతవరకు నిజమో తెలియాల్సి ఉంది.