Minister Anam: సూపర్ సిక్స్ తో.. సూపర్ హిట్ : మంత్రి ఆనం

రాష్ట్రంలో కూటమి ప్రభుత్వంపై కేసీఆర్ విమర్శలు చేయడం బాధగా ఉందని ఆంధ్రప్రదేశ్ రాష్ట్ర మంత్రి ఆనం రామనారాయరెడ్డి (Anam Ramanarayana Reddy) అన్నారు. నెల్లూరులో ఆయన మీడియాతో మాట్లాడుతూ చంద్రబాబు (Chandrababu)ను స్టేట్స్మన్ అని ప్రపంచమంతా కీర్తిస్తోంది. ఆయన పరిపాలన కేసీఆర్కు (KCR) నచ్చితే ఎంత, నచ్చకపోతే ఎంత అని అన్నారు. రాష్ట్రంలో కూటమి అధికారంలోకి వచ్చిన ఏడాదిలోనే సూపర్ సిక్స్తో సుపరిపాలన అందించి సూపర్హిట్ కొట్టామని తెలిపారు. ఎస్సీ (SC) వర్గీకరణపై మాటలకే పరిమితమైన గత ప్రభుత్వానికి భిన్నంగా, కూటమి ప్రభుత్వం చట్టం చేసిందని గుర్తు చేశారు. ఆగమశాస్త్ర నియమాల మేరకు ఆలయాలో పూజలు జరుగుతున్నాయని గత ప్రభుత్వ హయాంలో జరిగిన అపచారాలను సరిచేశామని చెప్పారు. దేవాదాయశాఖలో అనేక సంస్కరణలకు శ్రీకారం చుట్టామని, వేద విద్యను ప్రోత్సహిస్తున్నామని తెలిపారు. కూటమి ప్రభుత్వం రాకతో రామరాజ్యం ఆరంభమైందని, ఎవరూ అడ్డుకోలేరని మంత్రి స్పష్టం చేశారు.