Jinping: అమెరికా బెదిరింపులు సాగవు .. వార్నింగ్‌ ఇచ్చిన జిన్‌పింగ్‌

చైనా అధ్యక్షుడు జిన్‌పింగ్‌  ఎస్‌సీవో సదస్సు వేదికగా  అమెరికా (America) కు పరోక్షంగా వార్నింగ్‌ ఇచ్చారు. ఈ సందర్భంగా జిన్‌పింగ్‌ (Jinping) మాట్లాడుతూ  అంతర్జాతీయ సమాజంలో బెదిరింపు ధోరణిని అంగీకరించబోమని, నిష్పాక్షిత, న్యాయం, బహుళత్వానికి ప్రాధాన్యం ఉండాలని అన్నారు.ఐక్యరాజ్యసమితి కేంద్రీకృత వ్యవస్థలైన ప్రపంచ వాణిజ్య సంస్థ (డబ్ల్యూటీవో) వంటి వాటిని రక్షించుకోవాలన్నారు. ఎస్‌సీవో (SCO) సభ్యదేశాలు పరస్పర ప్రయోజనాలను కాపాడుకోవాలని పిలుపునిచ్చారు. విభేదాలను పక్కనపెట్టి ఒక్కటవ్వాలని, వ్యూహాత్మకంగా వ్యవహరిస్తూ ఏకాభిప్రాయంతో ఉండాలని అన్నారు. అప్పుడే ఈ ప్రాంతంలో శాంతి, స్థిరత్వం, అభివృద్ధి సాధ్యమన్నారు. చైనాతో సహా ఇతర దేశాలపై అమెరికా అధ్యక్షుడు డొనాల్డ్‌ ట్రంప్‌ (Donald Trump)ఏకపక్షంగా సుంకాలు విధించడాన్ని ఉద్దేశించే జిన్‌సింగ్‌ ఈ వ్యాఖ్యలు చేసినట్లు భావిస్తున్నారు.