America: అమెరికాలో సిక్కు వ్యక్తిపై దాడి

అమెరికాలోని లాస్‌ఏంజెల్స్‌లో ఓ 70 ఏండ్ల సిక్కు వ్యక్తిపై విద్వేషపూరిత దాడి చోటుచేసుకుంది. నార్త్‌ హాలీవుడ్‌లో ఓ గురుద్వారాకు సమీపంలో చోటుచేసుకున్న ఈ దాడిలో హర్పాల్‌ సింగ్‌ (Harpal Singh) అనే వ్యక్తి తీవ్రంగా గాయపడి, అపస్మారక స్థితిలోకి వెళ్లిపోయాడు. ప్రస్తుతం అతడికి దవాఖానలో మూడు శస్త్ర చికిత్సలు చేసినట్టు బాధితుడి సోదరుడు తెలిపాడు.గత వారం గురుద్వారాకు సమీపంలో హర్పాల్‌ సింగ్‌ వాకింగ్‌ (Walking) చేస్తుండగా, గుర్తుతెలియని ఓ వ్యక్తి మోటార్‌సైకిల్‌పై వచ్చి గోల్ఫ్‌ ఆడే కర్రలతో దాడికి పాల్పడినట్టు అనుమానాలు వ్యక్తమయ్యాయి. అయితే ఈ ఘటనను పోలీసులు (Police) విద్వేషపూరిత దాడిగా భావించటం లేదని బాధితుడి సోదరుడు వాపోయారు.