రష్యాతో నాటో ఘర్షణకు దిగితే.. మూడో ప్రపంచ యుద్ధమే

రష్యా అధ్యక్ష ఎన్నికల్లో ఘన విజయం సాధించిన మరుక్షణమే వ్లాదిమిర్‌ పుతిన్‌ పశ్చిమ దేశాలకు యుద్ధ హెచ్చరికలు పంపారు. అమెరికా సారథ్యంలోని నాటో కూటమి, రష్యా సైన్యం మధ్య ప్రత్యక్ష ఘర్షణలు జరిగితే మూడో ప్రపంచ యుద్ధానికి దారి తీస్తుంది. ఆధునిక  ప్రపంచంలో ఏదైనా సాధ్యమే. కానీ అంతటి దారుణ విపత్తును ఎవరూ కోరుకోరు అన్నారు. ఉక్రెయిన్‌ సైన్యానికి తోడుగా కదనరంగంలోకి ఫ్రాన్స్‌ బలగాలను దింపే ఉద్దేశముందన్న ఆ దేశ అధ్యక్షుడు మేక్రాన్‌ వ్యాఖ్యలపై పుతిన్‌ ఇలా స్పందించారు. ఉక్రెయిన్‌ యుద్ధంలో వందలాది ఇంగ్లిష్‌, ఫ్రెంచ్‌ సైనికులు చనిపోయారు. ఇది సరికాదు అన్నారు.