Basketball: చరిత్ర సృష్టించిన జోర్డాన్‌, బ్రయాంట్‌ కార్డు..వేలంలో రూ.113 కోట్లు

అమెరికా బాస్కెట్‌బాల్‌ దిగ్గజాలు మైకేల్‌ జోర్డాన్‌ (Michael Jordan) , కోబ్‌ బ్రయాంట్‌ (Kobe Bryant)  మరోసారి చరిత్ర సృష్టించారు. ఈసారి బాస్కెట్‌బాల్‌ కోర్టులో కాదు, బయట. ఈ ఇద్దరూ సంతకాలు చేసిన బాస్కెట్‌ బాల్‌ కార్డుకు వేలంలో ఏకంగా రూ. 113 కోట్ల ధర పలకడం విశేషం. 2007- 08లో జోర్డాన్‌, బ్రయాంట్‌ ధరించిన జెర్సీలు (Jerseys) , వాళ్ల సంతకాలతో కూడిన లోగోను ముద్రించిన ఆ కార్డును ఈ నెల 23న వేలం వేశారు. క్రీడా చరిత్రలో వేలంలో ఓ కార్డుకు ఇంత ధర పలకం ఇదే తొలిసారి. కాగా బ్రయాంట్‌ 2020లో జరిగిన హెలికాప్టర్‌ ప్రమాదంలో మృతిచెందిన విషయం తెలిసిందే. ఈ క్రమంలో 2022లో బేస్‌బాల్‌ దిగ్గజం మికీ మాంటెల్‌ సంతకంతో కూడిన కార్డుకు పలికిన రూ. 110 కోట్ల ధర రికార్డును జోర్డాన్‌, బ్రయాంట్‌ కార్డు అధిగమించారు.