H-1B visa: ఉద్యోగం పోతే ఇండియాకు పోతాం

అమెరికా విధిస్తున్న నిబంధనలు హెచ్‌-1బీ వీసా (H-1B visa) లపై అక్కడ పనిచేస్తున్న భారతీయ వృత్తి నిపుణుల్లో ఆందోళనలు రేకెత్తిస్తున్నాయి. ఒకవేళ ఉద్యోగం కోల్పోతే నిర్దేశిత సమయంలో అమెరికా (America) ను వారు వీడాల్సిన పరిస్థితి నెలకొంటోంది. ఈ నేపథ్యంలో ఉద్యోగం కోల్పోతే ఎక్కడికి వెళ్తారు అనే దానిపై  ప్రశ్నించగా, భారత్‌ (India)కు తిరిగి వెళ్తామని 45శాతం మంది భారతీయ వృత్తినిపుణులు తేల్చి చెప్పేశారు. మరో దేశానికి వెళ్తామని 26 శాతం మంది పేర్కొన్నారు.

ఇంకా ఎలాంటి నిర్ణయం తీసుకోలేదని 29 శాతం మంది చెప్పారు. ఇక అమెరికాను విడిచివెళ్లడానికి చెబుతున్న ప్రధాన ఆందోళనల విషయానికి వస్తే జీతాల్లో కోతలు (25శాతం ), నాణ్యత లేని జీవితం (24శాతం) , సాంస్కృతిక లేదా కుటుంబ సర్దుబాట్లు (13శాతం), తక్కువ ఉద్యోగ అవకాశాలు (10శాతం) వంటివి ఉన్నాయి. మళ్లీ అమెరికా వర్క్‌ వీసా (Work visa) ను ఎంచుకుంటారా అంటే,  కేవలం (35శాతం)  మంది మాత్రమే ఎంచుకుంటామన్నారు.