Nikki Haley: భారత్‌ను దూరం చేసుకుంటే ఇబ్బందులు : నిక్కీ హేలీ ఆసక్తికర వ్యాఖ్యలు

భారత్‌తో ట్రంప్‌ వ్యవహరిస్తున్న తీరును రిపబ్లికన్‌ పార్టీ నేత నిక్కీ హేలీ (Nikki Haley)  ఆక్షేపించారు. చైనా (China)తో ఒకలా, భారత్‌ (India) లో ఒకలా వ్యవహరిస్తూ ద్వంద్వ ప్రమాణాలను అనుసరిస్తున్నారని విమర్శించారు.  రష్యా (Russia) నుంచి భారత్‌ చమురును కొనుగోలు చేయవద్దు. కానీ ప్రత్యర్థి దేశం చైనా చేయవచ్చా? రష్యా, ఇరాన్‌ (Iran) ల నుంచి అత్యధికంగా చమురును కొంటున్నది చైనాయే. ఆ దేశానికి మాత్రం సుంకాల నుంచి 90 రోజులు మినహాయింపు ఇచ్చారు. చైనాను ఇలా వదిలేయవద్దు. భారత్‌ వంటి బలమైన మిత్రదేశంతో సంబంధాలను చెడగొట్టుకోవద్దు అని నిక్కీ హేలీ పేర్కొన్నారు.