Panjaram: ‘పంజరం’ మూవీ ట్రైలర్ విడుదల

సే స్టోరీ ప్రొడక్షన్స్, ఆర్3 ప్రొడక్షన్స్ సంయుక్తంగా ఆర్ రఘన్ రెడ్డి నిర్మాతగా సాయి కృష్ణ దర్శకత్వంలో అనిల్, యువతేజ, ముస్కాన్, రూప ప్రధాన పాత్రల్లో తెరకెక్కించిన చిత్రం ‘పంజరం’ (Panjaram). కొత్త వాళ్లంతా కలిసి చేసిన ఈ హారర్ మూవీకి సంబంధించిన ట్రైలర్‌ను బుధవారం నాడు రిలీజ్ చేశారు.

ఈ ట్రైలర్‌ మాత్రం వెన్నులో వణుకు పుట్టించేలా ఉంది. పేదరాసి పెద్దమ్మ అంటూ ఓపెన్ చేసిన ట్రైలర్, ఊరుని చూపించిన తీరు, హారర్ ఎలిమెంట్స్ అన్నీ కూడా రోమాలు నిక్కబొడుచుకునేలా ఉన్నాయి. హారర్ మూవీకి ఉండాల్సిన కెమెరా వర్క్, ఆర్ఆర్ ‘పంజరం’లో కనిపించాయి. ట్రైలర్‌లో చివరి షాట్ మాత్రం అందరినీ భయపెట్టించేలానే ఉంది. ఈ ట్రైలర్ లాంఛ్ చేసిన అనంతరం ఈ కార్యక్రమంలో..

దర్శకుడు సాయికృష్ణ మాట్లాడుతూ .. ‘నాకు ఈ ప్రయాణంలో సహకరించిన టీంకు థాంక్స్. మోహన్ గారి మ్యూజిక్ ఈ సినిమాకు ప్లస్ అవుతుంది. ఆర్ఆర్, పాటలు అందరినీ ఆకట్టుకుంటాయి. ఈ చిత్రానికి పని చేసిన ప్రతీ ఒక్కరూ పెద్ద స్టార్స్ అవుతారు. ప్రదీప్ అన్న ఈ చిత్రంలో మంచి పాత్రను పోషించారు. పద్మ గారు మాకు ఎంతో సపోర్ట్ చేశారు. రమణ గారు, సురేష్ గారు, ప్రదీప్ గారు ఇలా అందరూ బాగా నటించారు. నాకు ఈ జర్నీలో సపోర్ట్ చేసిన అనిల్, యువతేజ, ముస్కాన్, రూపలకు థాంక్స్. మా ట్రైలర్ అందరికీ నచ్చిందని అనుకుంటున్నాను. మా సినిమాకు ఆడియెన్స్, మీడియా సపోర్ట్ ఉంటుందని భావిస్తున్నాను’ అని అన్నారు.

హీరో యువతేజ మాట్లాడుతూ .. ‘‘పంజరం’ చిత్రంలో నేను మల్లి అనే పాత్రను పోషించాను. నా కారెక్టర్, లుక్స్ అన్నీ కొత్తగా ఉంటాయి. మా దర్శకుడు సాయి ఈ మూవీని గొప్పగా తీశారు. అనిల్ నాకు చిన్ననాటి స్నేహితుడు. రూప, ముస్కాన్ అద్భుతంగా నటించారు. నాని అన్న మ్యూజిక్ అదిరిపోద్ది. సినిమా అందరినీ ఆకట్టుకుంటుంది’ అని అన్నారు.

హీరో అనిల్ మాట్లాడుతూ .. ‘‘పంజరం’ ట్రైలర్ అందరికీ నచ్చిందని ఆశిస్తున్నాను. సినిమా కూడా అంతే స్థాయిలో ఉంటుంది. ఇందులో నేను కార్తిక్ అనే పాత్రను పోషించాను. మా సినిమా అందరినీ ఆకట్టుకుంటుంది’ అని అన్నారు.

హీరోయిన్ రూప మాట్లాడుతూ .. ‘‘పంజరం’ చిత్రంలో వెన్నెల పాత్రను పోషించాను. నాకు ఇంత మంచి కారెక్టర్ ఇచ్చిన సాయి గారికి థాంక్స్. ట్రైలర్ అందరికీ నచ్చిందని అనుకుంటున్నాను. సినిమా కూడా అందరినీ ఆకట్టుకుంటుంది’ అని అన్నారు.

హీరోయిన్ ముస్కాన్ మాట్లాడుతూ .. ‘‘పంజరం’ సినిమాకి మేం ప్రాణం పెట్టి పని చేశాం. మా ట్రైలర్ అందరికీ నచ్చిందని ఆశిస్తున్నాను. సినిమా అందరినీ ఆకట్టుకుంటుంది’ అని అన్నారు

మ్యూజిక్ డైరెక్టర్ నాని మోహన్ మాట్లాడుతూ .. ‘‘పంజరం’లో నాకు అవకాశం ఇచ్చిన టీంకు థాంక్స్. సాయి ఈ మూవీని చాలా అద్భుతంగా తీశారు. ‘పంజరం’ ట్రైలర్ అందరికీ నచ్చిందని ఆశిస్తున్నాను. సినిమా కూడా అందరినీ ఆకట్టుకుంటుంది’ అని అన్నారు.

నటి పద్మ మాట్లాడుతూ .. ‘35 ఏళ్ల తరువాత మళ్లీ నేను నటిగా ఎంట్రీ ఇస్తున్నాను. సాయి కృష్ణ ఈ మూవీని ఎంతో గొప్పగా తీశారు. యువతేజ, అనిల్, రూప, ముస్కాన్ అందరూ అద్భుతంగా నటించారు. ‘పంజరం’ అందరినీ ఆకట్టుకుంటుంది’ అని అన్నారు.

నటుడు రమణ మాట్లాడుతూ .. ‘యంగ్ టీం చాలా కష్టపడి ‘పంజరం’ మూవీని చేశారు. ఇలాంటి వాళ్లని ఆడియెన్స్ సపోర్ట్ చేయాలి. కొత్త వాళ్లని మీడియా ఎంకరేజ్ చేయాలని కోరుకుంటున్నాను’ అని అన్నారు.

నటుడు ప్రదీప్ మాట్లాడుతూ .. ‘పన్నెండేళ్ల క్రితం మా జర్నీ ప్రారంభమైంది. సాయి కృష్ణతో షార్ట్ ఫిల్మ్‌ను తీశాను. అలా మా ప్రయాణం ప్రారంభమైంది. నాలుగేళ్ల క్రితం ‘పంజరం’ గురించి అనుకున్నాం. నన్ను ఆడిషన్ చేసి ఇందులో నాకు మంచి పాత్రను ఇచ్చారు. ముస్కాన్, రూప, అనిల్, యువతేజ ఇలా అందరూ అద్భుతంగా నటించారు. మా ట్రైలర్ అందరికీ నచ్చిందని భావిస్తున్నాను. మా సినిమాను అందరూ ఆదరించాలని కోరుకుంటున్నాను’ అని అన్నారు.