H-1B : హెచ్‌-1బీ ఉద్యోగులను నియమించం… టీసీఎస్‌ సీఈవో కృతివాసన్‌

హెచ్‌-1బీ (H-1B)  వీసాలపై కొత్త ఉద్యోగులను తీసుకోబోమని టీసీఎస్‌ సీఈవో కే కృతివాసన్‌ (Krithivasan)  తెలిపారు. వారికి బదులు అమెరికా (America) లోని స్థానిక ప్రతిభావంతులను నియమించుకోవడంపై దృష్టి సారిస్తామని పేర్కొన్నారు. అమెరికాలో తమ కంపెనీకి 32 వేల మంది సిబ్బంది ఉండగా, వారిలో దాదాపు 11 వేల మంది హెచ్‌-1బీపై వచ్చిన వారేనని చెప్పారు. హెచ్‌-1బీ వీసా ఉద్యోగులపై ఆధారపడటాన్ని క్రమంగా తగ్గించాలని భావిస్తున్నామని చెప్పారు. అమెరికా అధ్యక్షుడు డొనాల్డ్‌ ట్రంప్‌ (Donald Trump)  హెచ్‌-1బీ వీసా ఫీజును లక్ష డాలర్లుకు పెంచడం టెక్‌ కంపెనీల్లో గందరగోళానికి దారి తీసిన తెలిసిందే.