Gates 2026:అట్లాంటాలో 2026 వేడుకల క్యాలెండర్‌ను ప్రకటించిన ‘గేట్స్’.. నూతన కార్యవర్గం ఖరారు

అట్లాంటా, అమెరికా: అమెరికాలోని ప్రముఖ ప్రవాస భారతీయ సంస్థ గ్రేటర్ అట్లాంటా తెలంగాణ సొసైటీ (GATeS) 2026 సంవత్సరానికి సంబంధించిన తమ వార్షిక సాంస్కృతిక వేడుకల క్యాలెండర్‌ను ఘనంగా ప్రకటించింది. తెలంగాణ సంస్కృతిని, సంప్రదాయాలను విదేశీ గడ్డపై చాటిచెప్పేలా మూడు ప్రధాన కార్యక్రమాలను నిర్వహించనున్నట్లు సంస్థ ప్రతినిధులు వెల్లడించారు.

2026 వేడుకల షెడ్యూల్:

తెలంగాణ కల్చరల్ డే: మే 30, 2026 (శనివారం) నాడు తెలంగాణ రాష్ట్ర ఆవిర్భావ వేడుకలను పురస్కరించుకుని ఈ కార్యక్రమం జరుగుతుంది.

వనభోజనాలు: ఆగస్టు 8, 2026 (శనివారం) నాడు సామూహిక వనభోజనాల వేడుక నిర్వహిస్తారు.

బతుకమ్మ సంబరాలు: అక్టోబర్ 17, 2026 (శనివారం) నాడు తెలంగాణ ఆడబిడ్డల పూల పండుగ బతుకమ్మను అంగరంగ వైభవంగా నిర్వహించనున్నారు.

GATeS టీమ్ 2026 – కార్యవర్గ వివరాలు: ఈ వేడుకలను పర్యవేక్షించేందుకు రమణ గండ్ర అధ్యక్షతన నూతన కార్యవర్గాన్ని ప్రకటించారు.

• ప్రెసిడెంట్: రమణ గండ్ర
• బోర్డ్ ఛైర్మన్: జ్యోత్స్న పాలకుర్తి
• వైస్ ప్రెసిడెంట్: కీర్తిధర్ గౌడ్ చెక్కిళ్ల
• జనరల్ సెక్రటరీ: రఘువీర్ రెడ్డి
• ట్రెజరర్: రామకృష్ణ గండ్ర
• ఇతర సభ్యులు: అనిల్ కుష్ణపల్లి (టెక్నాలజీ), శరత్ గండ్ర (కల్చరల్), చంద్రశేఖర్ అల్తాటి (మీడియా), గీత నరన్నగారి (ఈవెంట్), మధుకర్ రెడ్డి (స్పోర్ట్స్).బోర్డ్ ఆఫ్ డైరెక్టర్లుగా విజయ్ వింజమర, హేమంత్ పల్లా, రంజిత్ కోదాటి, దినేష్ దుంతులా, రవీందర్ దాసారపు బాధ్యతలు చేపట్టారు. అట్లాంటాలోని తెలుగు వారందరూ ఈ వేడుకల్లో పాల్గొని తెలంగాణ వైభవాన్ని చాటాలని సంస్థ కోరింది.