Etihad Airways  : భారతీయులకు ఎతిహాద్‌ ఎయిర్‌వేస్‌ బంపర్‌ ఆఫర్‌

యునైటెడ్‌ అరబ్‌ ఎమిరేట్స్‌ (United Arab Emirates)  కు చెందిన జాతీయ విమానయాన సంస్థ ఎతిహాద్‌ ఎయిర్‌వేస్‌ (Etihad Airways) భారతీయుల కోసం బంపర్‌ ఆఫర్‌ ప్రకటించింది. ఈ వేసవిలో తమ సంస్థ విమానాల్లో ప్రయాణించే భారతీయ ప్రయాణికులకు విమాన టికెట్లపై 30 శాతం ప్రత్యేక డిస్కౌంట్‌ ఇస్తున్నట్లు వెల్లడిరచింది.  ఈ సమ్మర్‌లో వెకేషన్‌ కోసం టర్కీ (Turkey) ,  గ్రీస్‌ (Greece) ,  స్పెయిన్‌,  ఫ్రాన్స్‌, వార్సా, ప్రాగ్‌ రూట్లలో ప్రయాణించే వారికి ఈ ప్రత్యేక డిస్కౌంట్‌ ఆఫర్‌ వర్తించనుంది. మార్చి 28 వరకు తగ్గింపు ఛార్జీలతో టికెట్లు బుక్‌ చేసుకోవచ్చు.  ఇలా టికెట్‌ బుక్‌ చేసుకున్నవారు ఈ ఏడాది మే 1 నుంచి సెప్టెంబర్‌ 30 మధ్య ప్రయాణించొచ్చని ప్రకటనలో ఎతిహాద్‌ ఎయిర్‌వేస్‌ పేర్కొంది. ఈ వేసవిలో భారతీయ ప్రయాణికులకు మరింత సౌలభ్యం కల్పించడమే ఈ ఆఫర్‌ ముఖ్య ఉద్దేశంగా సంస్థ తెలిపింది. ప్రయాణికులు వీలైనంత త్వరగా తమ టికెట్లు బుక్‌ చేసుకుని ఈ సమ్మర్‌ వెకేషన్‌ను తక్కువ బడ్జెట్‌ తో ఆస్వాదించాలని సూచించింది.