రిలయన్స్ చేతికి టిక్‍టాక్‍ ?

నిషేధిత చైనా సోషల్‍ మీడియా దిగ్గజం టిక్‍టాక్‍ కు సంబంధించిన సంచలన విషయం మార్కెట్‍ వర్గాల్లో చక్కర్లు కొడుతోంది. ఆసియా అపరకుబేరుడు ముకేశ్‍ అంబానీ నేతృత్వంలోని రిలయన్స్ ఇండస్ట్రీక్‍ లిమిటెడ్‍ (ఆర్‍ఐఎల్‍) టిక్‍టాక్‍ను కొనుగోలు చేయనుందని అంచనా ఆసక్తికరంగా మారింది. ఈ మేరకు టిక్‍ టాక్‍ యాజమన్యా సంస్థ బైట్‍ డాన్స్తో ప్రారంభ దశ చర్చలు జరుపుతున్నట్టు తాజా నివేదికల ద్వారా తెలుస్తోంది. మొత్తం ఇండియా వ్యాపారాన్ని రిలయన్స్ కు విక్రయించేందుకు బైట్‍డాన్స్ సంసిద్ధతను వ్యక్తం చేస్తోంది. ఇందులో భాగంగా టిక్‍టాక్‍ చీఫ్‍ ఎగ్జిక్యూటివ్‍ ఆఫీసర్‍ కెవిన్‍ మేయర్‍, ఆర్‍ఐఎల్‍ సీనియర్‍ ఎగ్జిక్యూటివ్‍లను సంప్రదించినట్లు తెలిసింది. రెండు కంపెనీల మధ్య జులైలో చర్చలు ప్రారంభమైనాయనీ, తుది నిర్ణయం ఇంకా తీసుకోలేదని టెక్‍ క్రంచ్‍ నివేదించింది. అయితే ఈ ఊహాగానాలపై వ్యాఖ్యానించడానికి రిలయన్స్ నిరాకరించింది.