Donald Trump : తక్షణ చర్చలకు రష్యా, ఉక్రెయిన్‌ అంగీకరించాయి : ట్రంప్‌

కాల్పుల విరమణ దిశగా రష్యా, ఉక్రెయిన్‌ తక్షణం చర్చలు మొదలు పెడతాయని అమెరికా అధ్యక్షుడు డొనాల్డ్‌ ట్రంప్‌ (Donald Trump) ప్రకటించారు. ఇరు దేశాధినేతలు వ్లాదిమిర్‌ పుతిన్‌ (Vladimir Putin), జెలెన్‌స్కీ (Zelensky )  ఇందుకు అంగీకరించినట్లు వెల్లడిరచారు. చర్చల విధి విధానాలను ఆ దేశాలే నిర్ణయించుకుంటాయని చెప్పారు. పుతిన్‌తో ట్రంప్‌ రెండు గంటలకు పైగా సుదీర్ఘంగా ఫోన్‌ చర్చలు జరిపారు. అనంతరం జెలెన్‌స్కీతోనూ చర్చించారు. యుద్ధం ముగిశాక అమెరికాతో రష్యా (Russia)  భారీ ఎత్తున వ్యాపారం చేయాలని పుతిన్‌ అభిలషించారు. అందుకు నేను సరేనన్నాను అని చెప్పుకొచ్చారు.  తద్వారా ఉక్రెయిన్‌ (Ukraine)  కూడా భారీగా లబ్ది పొందుతుందని అభిప్రాయపడ్డారు. యుద్ధానికి తెర దించడం పై పుతిన్‌, ట్రంప్‌ మధ్య ఇది మూడో ఫోన్‌ సంభాషణ కావడం విశేషం. చర్చల వివరాలను జెలెన్‌స్కీతో పాటు యూరోపియన్‌ కమిషన్‌ చీఫ్‌ ఉర్సులా వాండెర్‌ లెయన్‌,  ఫ్రాన్స్‌, ఇటలీ, జర్మనీ తదితర దేశాధినేతలతో పంచుకున్నట్లు అధ్యక్షుడు వివరించారు.