NNNM: ‘నారి నారి నడుమ మురారి’ అందరినీ హ్యాపీగా నవ్వించాలని తీసిన సినిమా – శర్వా

చార్మింగ్ స్టార్ శర్వా, రామ్ అబ్బరాజు, రామబ్రహ్మం సుంకర, ఎకె ఎంటర్‌టైన్‌మెంట్స్ నారి నారి నడుమ మురారి హిలేరియస్ ట్రైలర్ లాంచ్

చార్మింగ్ స్టార్ శర్వా పర్ఫెక్ట్ సంక్రాంతి ఎంటర్‌టైనర్ నారి నారి నడుమ మురారితో అలరించబోతున్నారు. జనవరి 14న గ్రాండ్ థియేట్రికల్ రిలీజ్ కానుంది. సామజవరగమన ఫేమ్ కామెడీ మాస్ట్రో రామ్ అబ్బరాజు దర్శకత్వం వహించిన ఈ చిత్రం టీజర్, మొదటి రెండు పాటల ద్వారా భారీ అంచనాలను పెంచింది. అడ్వెంచర్స్ ఇంటర్నేషనల్ ప్రైవేట్ లిమిటెడ్ సహకారంతో ఎకె ఎంటర్‌టైన్‌మెంట్స్ బ్యానర్‌పై రామబ్రహ్మం సుంకర నిర్మించిన ఈ చిత్ర ట్రైలర్ ఈరోజు విడుదలైంది.

ట్రైలర్ లో గౌతమ్(శర్వా) బి-టెక్ ఆర్కిటెక్ట్, తన గర్ల్ ఫ్రెండ్ (సాక్షి వైద్య)తో సాఫీగా సాగుతున్న అతడి జీవితం, ఒక్కసారిగా అతడి ఎక్స్ గర్ల్ ఫ్రెండ్ (సంయుక్త) తిరిగి జీవితంలోకి రావడంతో గందరగోళంగా మారుతుంది. అక్కడి నుంచి మొదలయ్యే హిలేరియస్ పరిస్థితులు, గౌతమ్ పాస్ట్ అండ్ ప్రజెంట్ మధ్య నలిగిపోవడం ప్రేక్షకులకి నవ్వులు పంచాయి.

శర్వానంద్ రెండు డిఫరెంట్ టైమ్‌లైన్లలో, రెండు ప్రేమకథల్లో రెండు స్టైలిష్ లుక్స్‌లో కనిపించి తన కామిక్ టైమింగ్‌, డైనమిక్ షేడ్స్‌తో అదరగొట్టారు. సాక్షి వైద్య తన స్క్రీన్ ప్రెజెన్స్‌తో ఆకట్టుకుంటే, సంయుక్త కథకు మరింత స్పైస్ యాడ్ చేసింది. శర్వానంద్ తండ్రిగా నరేష్ మరోసారి తన ప్రత్యేకమైన కామెడీ టైమింగ్ తో ఆకట్టుకున్నారు సత్య, సునీల్, సుదర్శన్, సంపత్ రాజ్ ల కామెడీ నవ్వుల వర్షం కురిపిస్తుంది.

దర్శకుడు రామ్ అబ్బరాజు క్లిన్ అండ్ ఎంగేజింగ్ కామెడీని అద్భుతంగా తెరపైకి తీసుకొచ్చారు. సినిమాటోగ్రాఫర్లు జ్ఞాన శేఖర్ వీఎస్, యువరాజ్ విజువల్స్‌ అందంగా వున్నాయి, విశాల్ చంద్రశేఖర్ సంగీతం కథకు ఎనర్జీ నింపుతుంది.

AK ఎంటర్‌టైన్‌మెంట్స్ , అడ్వెంచర్స్ ఇంటర్నేషనల్ ప్రైవేట్ లిమిటెడ్ నిర్మాణ విలువలు సినిమాకు మరో బలంగా నిలిచాయి. భాను బొగవరపు కథ, నందు సవిరిగాన డైలాగ్స్ ఆకట్టుకున్నాయి. ఈ సినిమాకి ఆర్ట్ డైరెక్షన్ బ్రహ్మ కడలి, సహ నిర్మాత అజయ్ సుంకర.`

ఆకట్టుకునే కథనం, నవ్వులతో నిండిన స్క్రీన్‌ప్లేతో ట్రైలర్ ప్రేక్షకుల్లో అంచనాలను పెంచింది. సంక్రాంతికి డబుల్ ఎంటర్‌టైన్‌మెంట్‌, ట్రిపుల్ మ్యాడ్‌నెస్‌తో వచ్చే ఈ సినిమా ప్రేక్షకులకు పూర్తి స్థాయి పండుగ ట్రీట్ ఇవ్వనుంది.

ఆత్రేయపురంలో జరిగిన ట్రైలర్ లాంచ్ ఈవెంట్ లో హీరో శర్వా మాట్లాడుతూ.. హలో ఆత్రేయపురం. మీ అందరిని చూశాక ఈ సినిమాకి నారి నారి నడుమ మురారి.. మంచి ఆత్రేయపురం పూతరేకులు లాంటి సినిమా అనే ట్యాగ్ లైన్ పెట్టాలనిపించింది. ఇది నాకు చాలా ఇష్టమైన ఊరు. శతమానం భవతి ఎక్కడే చేశాను. దాదాపు మూడు నెలలు ఇక్కడే ఉన్నాను. మీ అందరి ప్రేమాభిమానానికి ధన్యవాదాలు. నేను మంచి సినిమాలు చేస్తానని నమ్మకం ఆడియన్స్ లో వుండటం నాకు ఎంతో ఆనందాన్ని ఇస్తుంది. ఇది మీ అందరిని హ్యాపీగా నవ్వించాలని తీసిన సినిమా. అన్నిట్లోకి అద్భుతమైనది నవ్వు. ప్రతి ఇంట్లో నవ్వు ఎప్పటికీ ఇలానే ఉండాలి. అందరూ కూడా మా సినిమాకు వచ్చి ఆనందంగా నవ్వితే అదే మాకు పండగ. అది మీరందరూ మాకు ఇచ్చే కానుక. ఇది చాలా క్లీన్ ఫిలిం. మంచి కథని చాలా హ్యూమరస్ గా చెప్పడం జరిగింది. ఈ సినిమా నాకు చాలా నచ్చింది. మీకు కూడా నచ్చుతుందని కచ్చితంగా నమ్ముతున్నాను. ఈ వేడుకకు వచ్చిన అందరికీ పేరుపేరునా ధన్యవాదాలు. ఈ సినిమా టికెట్ ధరలని మేము పెంచడం లేదు. అందరికీ అందుబాటులో వున్న ధరలే వుంటాయి.అందరూ హ్యాపీగా వెళ్లి చూడండి. అందరికీ హ్యాపీ సంక్రాంతి.

హీరోయిన్ సాక్షి వైద్య మాట్లాడుతూ… మా టీమ్ అందరికీ పేరుపేరునా ధన్యవాదాలు. ఇది మెమొరబుల్ జర్నీ. డైరెక్టర్ అబ్బరాజు గారు అద్భుతమైన క్యారెక్టర్ రాశారు. నిత్య క్యారెక్టర్ చాలా స్పెషల్. షూటింగ్లో చాలా ఎంజాయ్ చేశాం.శర్వా గారితో నటించడం చాలా ఆనందంగా ఉంది. తప్పకుండా ఈ సినిమా మీ అందరిని ఎంటర్టైన్ చేస్తుంది.

హీరోయిన్ సంయుక్త మాట్లాడుతూ.. అందరికీ నమస్కారం. ట్రైలర్ మీ అందరికీ నచ్చినందుకు చాలా హ్యాపీ. థియేటర్లో ఫ్యామిలీతో పాటు అందరూ ఎంజాయ్ చేసేలాగా ఈ సినిమా ఉంటుంది. డైరెక్టర్గారు ఈ సినిమాని కంప్లీట్ ఎంటర్టైనర్ గా ప్యాక్ చేశారు. నాకు దియా అనే క్యారెక్టర్ ఇచ్చినందుకు థాంక్యూ. ఇందులో ప్రతి సీన్ హిలేరియస్ గా వుంటుంది. సినిమా సంక్రాంతి ఫీస్ట్ లాగా ఉండబోతుంది.

డైరెక్టర్ అజయ్ భూపతి మాట్లాడుతూ.. ఇది మా అమ్మమ్మగారి ఊరు. ట్రైలర్ చాలా ఎనర్జిటిక్ గా ఉంది.శర్వా గారితో మహాసముద్రం సినిమా చేశాను. ఆయన చాలా ఇంటెన్సిటీ ఉన్న యాక్టర్. ఆయన అంటే నాకు చాలా ఇష్టం. ఖచ్చితంగా ఆయనకి ఆయన కెరీర్ లోనే బెస్ట్ క్యారెక్టర్ రాస్తాను. ఈ సినిమా యూనిట్ అందరికీ ఆల్ ది వెరీ బెస్ట్. సినిమా చాలా పెద్ద విజయాన్ని సాధించాలని మనస్ఫూర్తిగా కోరుకుంటున్నాను

రామ జోగయ్య శాస్త్రి మాట్లాడుతూ.. ఆత్రేయపురంలో ఈ వేడుక జరగడం చాలా ఆనందంగా ఉంది. ఈ సినిమా కథ చాలా విభిన్నంగా అందరినీ ఆకట్టుకునేలా ఉంటుంది. శర్వానంద్ గారు గతంలో రెండుసార్లు సంక్రాంతికి వచ్చి మంచి విజయాలు నమోదు చేసుకున్నారు. ఈ సినిమాతో గట్టిగా ఒక హ్యాట్రిక్ కొట్టబోతున్నారు. ఈ సినిమాకి చాలా అద్భుతమైన పాజిటివ్ రిపోర్ట్స్ ఉన్నాయి. ట్రైలర్ చాలా ఎంటర్టైనింగ్ అనిపిస్తుంది. ఈ సినిమాలో నాలుగు మంచి పాటలు రాసే అవకాశం ఇచ్చిన దర్శక నిర్మాతలకు ధన్యవాదాలు. తప్పకుండా ఈ సినిమా చాలా పెద్ద విజయాన్ని సాధిస్తుంది.