Donald Trump: భారత్‌ ఓ డ్రగ్స్‌ ఉత్పత్తి కేంద్రం : డొనాల్డ్‌ ట్రంప్‌

భారత్‌సహా 23 దేశాలు అక్రమంగా డ్రగ్స్‌ (Drugs) ను  ఉత్పత్తి చేస్తున్నాయని, రవాణా స్థావరలుగా వ్యవహరిస్తున్నాయని అమెరికా అధ్యక్షుడు డొనాల్డ్‌ ట్రంప్‌ (Donald Trump)  ఆరోపించారు. చైనా (China), పాకిస్థాన్‌, అఫ్గానిస్థాన్‌ (Afghanistan) లూ  ఈ జాబితాలో ఉన్నాయని పేర్కొన్నారు. ఇవి అక్రమ డ్రగ్స్‌ను, అందులో వాడే రసాయనాలను ఉత్పత్తి / రవాణా చేస్తూ అమెరికా (America) ప్రజల భద్రతకు ముప్పుగా పరిణమించాయని విమర్శించారు. అమెరికన్‌ కాంగ్రెస్‌కు సమర్పించిన ప్రెసిడెన్షియల్‌ డిటర్మినేషన్‌ నివేదికలో ట్రంప్‌ ఈ ఆరోపణలు చేశారు.

భారత్‌, పాకిస్థాన్‌, చైనా,  అఫ్గానిస్థాన్‌, ద బహమాస్‌, బెలీజ్‌, బొలీవియా, బర్మా, కొలంబియా, కోస్టారికా,  ద డొమినికర్‌ రిపబ్లికన్‌, ఈక్వెడార్‌, ఎల్‌ సాల్వడార్‌,  గ్వాటెమాలా, హైతీ హోండురస్‌, జమైకా, లావోస్‌, మెక్సికో, నికరాగువ, పనామా, పెరూ, వెనెజువెలా దేశాలు ప్రధానంగా డ్రగ్స్‌ను  ఉత్పిత్తి చేయడంతో పాటు రవాణా చేస్తున్నాయని వివరించారు.