Donald Trump: భారత్‌పై సుంకాలు విధించడం అంత తేలిక కాదు

రష్యా  నుంచి చమురు కొనుగోలు చేస్తున్న భారత్‌ (India)  పై 50 శాతం సుంకం (Tariff)   విధించడం అంత తేలికైన విషయం కాదని అమెరికా అధ్యక్షుడు డొనాల్డ్‌ ట్రంప్‌(Donald Trump)  స్పష్టం చేశారు. రష్యా (Russia) పై చర్య తీసుకునేందుకు  భారత్‌తో విభేదానికి తాము సిద్ధమయ్యామని అన్నారు. భారత్‌ రష్యాకు అతిపెద్ద చమురు వినియోగదారు. ఆ దేశం నుంచి చమురు కొంటున్నారన్న కారణంతోనే నేను భారత్‌పై 50 శాతం సుంకం విధించాను.  అది చాలా పెద్ద చర్య. దీంతో భారత్‌తో విభేదాలు వచ్చాయి. అయినా నేనా చర్య తీసుకున్నాను. ఇలాంటి  ఎన్నో పనులు చేశాను అని ట్రంప్‌ పేర్కొన్నారు.