Telangana:తెలంగాణలో స్థానిక ఎన్నికలు .. షెడ్యూల్‌ ఇదే

తెలంగాణలో స్థానిక ఎన్నికలకు నగరా మోగింది. ఎంపీటీసీ(MPTC) , జడ్పీటీసీ, గ్రామ పంచాయతీ ఎన్నికల కు షెడ్యూల్‌ను రాష్ట్ర ఎన్నికల సంఘం ప్రకటించింది. ఈ మేరకు రాష్ట్ర ఎన్నికల సంఘం  ప్రధానాధికారి (ఎస్‌ఈసీ) రాణికుముదిని (Ranikumudi)  వెల్లడిరచారు. మొదట ఎంపీటీసీ, జడ్పీటీసీ ( ZPTC)  ఎన్నికలు నిర్వహించనున్నట్లు తెలిపారు. మొత్తం ఐదు దశల్లో ఈ ఎన్నికల ప్రక్రియ నిర్వహిస్తామని చెప్పారు. అక్టోబర్‌ 9 నుంచి నామినేషన్లు స్వీకరిస్తామని ఎస్‌ఈసీ తెలిపారు. అక్టోబరు 23న తొలివిడత, 27న రెండో విడత ఎన్నికల పోలింగ్‌ నిర్వహిస్తామన్నారు. గ్రామ పంచాయతీలకు తొలి విడత అక్టోబర్‌  31న, రెండో విడత నవంబర్‌ 4న, మూడో విడత నవంబర్‌ 8న నిర్వహిస్తామని వివరించారు. పోలింగ్‌ పూర్తయిన తర్వాత అదేరోజు గ్రామ పంచాయతీల ఓట్ల లెక్కింపు చేపడతామన్నారు.  నవంబర్‌ 11న ఎంపీటీసీ, జడ్పీటీసీ  ఓట్ల లెక్కింపు జరుగుతుందని ఎస్‌ఈసీ తెలిపారు.