Minister Sridhar Babu : విదేశీ పెట్టుబడులకు రాష్ట్రం అనుకూలం: మంత్రి శ్రీధర్ బాబు

విదేశీ పెట్టుబడులకు తెలంగాణ అత్యంత అనుకూల గమ్యస్థానమని, ఐటీ, ఏరోస్పేస్, తయారీ, ఫార్మా రంగాలకు మంచి ఎకో సిస్టమ్ను రాష్ట్రంలో అభివృద్ధి చేశామని ఐటీ, పరిశ్రమల మంత్రి దుద్దిళ్ల శ్రీధర్ బాబు (Sridhar Babu) పేర్కొన్నారు. సచివాలయంలో తనను కలిసిన జర్మన్ ఫ్రీడరిక్-ఎబర్ట్-స్టిఫ్టంగ్ ఫౌండేషన్ ప్రతినిధులు డా.సబీన్ ఫాండ్రిక్, మిర్కో గుంథర్, క్రిస్టోఫ్ మోృరహ్ తదితరులకు రాష్ట్రంలో అమలు చేస్తున్న సులభతర పారిశ్రామిక విధానాలు, పలు సంక్షేమ పథకాలను మంత్రి వివరించారు. అత్యంత ప్రతిభావంతులైన యువత రాష్ట్రంలో ఉన్నందున నైపుణ్యాలకు కొదువలేదని తెలిపారు. జర్మనీ(German)-తెలంగాణ (Telangana) భాగస్వామ్యంలో వాణిజ్యం, పరిశ్రమల ఏర్పాటుకు తాము అన్ని విధాలా సహకరిస్తామని చెప్పారు. పరిశ్రమ భాగస్వామ్యంతో యంగ్ ఇండియా స్కిల్స్ యూనివర్సిటీ నెలకొల్పాం. ఆర్టిఫిషియల్ ఇంటెలిజెన్స్లో పరిశోధన, వినూత్న ఆవిష్కరణల కోసం ప్రత్యేక ఇన్నోవేషన్ సెంటర్ ఏర్పాటు చేస్తున్నాం. రాష్ట్రంలోని పారిశ్రామిక శిక్షణ కేంద్రాలన్నింటినీ అడ్వాన్స్డ్ ట్రెయినింగ్ సెంటర్లుగా అభివృద్థి చేస్తున్నాం. లైఫ్ సైన్సెస్ రంగంలో నూతన ఆవిష్కరణలు, ఇంక్యుబేషన్ కోసం జీనోమ్ వ్యాలీ (Genome Valley) లో ఇటీవలే 1 బయో ను ఏర్పాటు చేశాం. ఫార్మా ఉత్పత్తుల్లో రాష్ట్రం దేశంలోనే అగ్రస్థానంలో ఉండగా కొత్తగా ఏరో ేస్పస్, రక్షణ ఉత్పత్తుల ఎగుమతులు దాన్ని అధిగమించాయి. రూ.1,300 కోట్లతో ఫ్రెంచ్ కంపెనీ సాఫ్రాన్ విమాన ఇంజన్ల మెయింటెనెన్స్, రిపేర్, ఓవర్ హాలింగ్ కేంద్రాన్ని నెలకొల్పింది. రఫేల్ యుద్థ విమానాల మరమ్మతులు, ఓవర్ హాలింగ్ ఇక్కడే జరుగుతాయి అని మంత్రి వివరించారు.