Mega Family: మెగా ఇంట్లో డబుల్ ధమాకా.. త్వరలో కవల పిల్లలకు జన్మనివ్వనున్న ఉపాసన!
- Published By: Vishal
- January 28, 2026 / 04:10 PM IST
హైదరాబాద్: మెగా పవర్ స్టార్ రామ్ చరణ్, ఉపాసన దంపతులు త్వరలోనే మరోసారి తల్లిదండ్రులు కాబోతున్నారనే వార్త ఇప్పుడు టాలీవుడ్ వర్గాల్లో హాట్ టాపిక్ గా మారింది. ఈ నెల 31వ తేదీన వీరికి కవల పిల్లలు (Twins) జన్మించబోతున్నట్లు సినీ సర్కిల్స్లో ప్రచారం జరుగుతోంది.
గతంలో ఉపాసన తన సీమంతం వేడుకలకు సంబంధించిన ఒక ఇన్స్టాగ్రామ్ పోస్ట్లో, తాను కవలలకు జన్మనివ్వబోతున్నట్లు పరోక్షంగా సూచనలు (Hint) ఇచ్చారు. అప్పటి నుండి మెగా అభిమానుల్లో ఈ విషయంపై ఆసక్తి పెరిగింది. అయితే, ఈ వార్తలపై మెగా కుటుంబం నుండి ఇప్పటివరకు ఎలాంటి అధికారిక ప్రకటన వెలువడలేదు.
రామ్ చరణ్, ఉపాసనలకు 2023 జూన్లో ‘క్లీంకార’ జన్మించిన సంగతి తెలిసిందే. ఇప్పుడు మళ్లీ మెగా వారసుడు రాబోతున్నాడనే వార్తలతో సోషల్ మీడియా (X) వేదికగా మెగా అభిమానులు సందడి చేస్తున్నారు. ఒకవేళ ఇదే నిజమైతే, మెగా ఫ్యామిలీలో పండగ వాతావరణం నెలకొనడం ఖాయం.
