kavitha: బీసీ రిజర్వేషన్లకు అడ్డుపడుతున్న కేంద్రం :కవిత

బీసీలకు 42శాతం రిజర్వేషన్లు రాకుండా కేంద్రంలోని బీజేపీ అడ్డుపడుతోందని తెలంగాణ జాగృతి అధ్యక్షురాలు, ఎమ్మెల్సీ కల్వకుంట్ల కవిత (kavitha) ఆరోపించారు. బీసీలకు 42శాతం రిజర్వేషన్లు కల్పించాలని కోరుతూ తన మద్దతుదారులతో కలిసి కామారెడ్డి జిల్లా (Kamareddy District) కేంద్రంలోని రైల్వే ట్రాక్పై కవిత ఆందోళన చేపట్టారు. ఈ సందర్భంగా కవిత మాట్లాడుతూ రిజర్వేషన్ల కోసం కేంద్రంపై ఒత్తిడి తెచ్చేందుకు రాష్ట్రానికి చెందిన బీజేపీ (BJP) ఎంపీలు రాజీనామా (Resignation) చేయాలన్నారు.




బీసీ రిజర్వేషన్లనకు అడ్డుపడుతున్న బీజేపీకి ఢిల్లీ వరకు మెసేజ్ పంపించేందుకే రైలురోకో చేపట్టామన్నారు. కేంద్రం దిగొచ్చేదాకా ఆందోళనలు ఉధృతం చేస్తామని తెలిపారు. తమ పోరాటం వల్లే బీసీ రిజర్వేషన్లకు బిల్లులు తెచ్చారని, అవి కూడా రాష్ట్రపతి వద్ద ఆగిపోయాయన్నారు. ఆ తర్వాత రైల్రోకో చేస్తామని హెచ్చరిస్తే ఆర్డినెన్స్ తెచ్చారని, అది కూడా గవర్నర్ వద్దే ఆగిపోయిందని చెప్పారు. బీసీ రిజర్వేషన్ల సాధన కోసం బీజేపీ, కాంగ్రె్సతో కొట్లాడుతూనే ఉంటామన్నారు.