VP Elections: బీఆర్ఎస్ మద్దతు కోసం బీజేపీ ప్రయత్నాలు!

దేశ రాజకీయాల్లో ఉపరాష్ట్రపతి ఎన్నికల (VP Elections) సందడి మొదలైంది. ఏకగ్రీవం కోసం బీజేపీ (BJP) ప్రయత్నిస్తుండగా, ఇండియా కూటమి తమ అభ్యర్థిని బరిలోకి దింపాలని ఆలోచిస్తోంది. ఈ క్రమంలో రెండు కూటములు తమ అభ్యర్థులకు మద్దతు కూడగట్టుకునేందుకు ఇతర పార్టీలను సంప్రదిస్తున్నాయి. ఇందులో భాగంగా, బీఆర్ఎస్ (BRS) పార్టీ మద్దతు కోసం ఎన్డీయే, ఇండియా కూటములు ప్రయత్నాలు మొదలుపెట్టాయి. లోక్‌సభలో బీఆర్ఎస్‌కు (BRS) నలుగురు సభ్యులు ఉండటంతో, వారి మద్దతు కోసం ఇరు కూటముల కీలక నేతలు బీఆర్ఎస్ ఎంపీలను కలిశారు. ఉపరాష్ట్రపతి ఎన్నికలో (VP Elections) తమ అభ్యర్థికి మద్దతు ఇవ్వాలని కోరారు. దీనిపై బీఆర్ఎస్ ఎంపీలు తమ అధినేత కేసీఆర్‌తో (KCR) చర్చించి నిర్ణయం తీసుకుంటామని తెలిపారు. ఎన్నికలకు (VP Elections) ఇంకా నెల రోజుల సమయం ఉన్నప్పటికీ, ఇరు కూటములు ఇప్పటి నుంచే తమ ప్రయత్నాలను ముమ్మరం చేయడం ఆసక్తి కలిగిస్తోంది. భవిష్యత్తు రాజకీయ సమీకరణాలను దృష్టిలో పెట్టుకొని ఏ పార్టీని వదలకుండా మద్దతు కోరుతున్నాయి. ఈ నేపథ్యంలో ఉపరాష్ట్రపతి ఎన్నికలో కేసీఆర్ (KCR) ఎవరికి మద్దతు ఇస్తారనే దానిపై సర్వత్రా ఆసక్తి నెలకొంది.