Minister Bandi:  కాంగ్రెస్‌ ప్రభుత్వం కూడా బీఆర్‌ఎస్‌ బాటలోనే : కేంద్రమంత్రి బండి సంజయ్‌

బీజేపీ రాష్ట్ర అధ్యక్షుడు రామచందర్‌రావు (Ramachandra Rao) అరెస్టును కేంద్ర మంత్రి బండి సంజయ్‌ (Bandi Sanjay)  ఖండిరచారు. చేవెళ్ల (Chevella ) లో పార్టీ కార్యక్రమంలో పాల్గొనేందుకు వెళ్తుంటే ఎందుకు అరెస్టు చేశారని ప్రశ్నించారు. కాంగ్రెస్‌ ప్రభుత్వం కూడా బీఆర్‌ఎస్‌ బాటలోనే నడుస్తోందని మండిపడ్డారు. అరెస్టులతో వైఫల్యాలు కప్పిపుచ్చుకోవాలని ప్రభుత్వం యత్నిస్తోందని విమర్శించారు. తక్షణమే రామచందర్‌రావు, కార్యకర్తలను  విడుదల చేయాలని డిమాండ్‌ చేశారు.

జీహెచ్‌ఎంసీలో సమస్యల పరిష్కారం కోరుతూ బీజేపీ నేడు సచివాలయం ముట్టడికి పిలుపునిచ్చింది. దీంతో పలువురు నేతలను పోలీసులు అరెస్టు చేశారు. మొయినాబాద్‌ (Moinabad) వద్ద ఆ పార్టీ రాష్ట్ర అధ్యక్షుడు రామచందర్‌రావును హైదరాబాద్‌ (Hyderabad) కు వస్తుండగా అరెస్టు చేశారు.