USA : మంత్రి లోకేశ్ అమెరికా పర్యటన

ఆంధ్రప్రదేశ్ రాష్ట్రానికి గూగుల్ డేటా సెంటర్ రాకతో కొత్త ఉత్సాహంతో, పెట్టుబడుల సాధనే లక్ష్యంగా మంత్రి నారా లోకేష్ (Nara Lokesh) అమెరికా (America), కెనడా (Canada) పర్యటనలకు సిద్ధమయ్యారు. ఈ నెల 6నుంచి 9వరకూ అమెరికాలో, 11, 12 తేదీల్లో కెనడాలో ఆయన పర్యటిస్తారు. ఆయన వెంట సీఎంవో కార్యదర్శి కార్తికేయ మిశ్రా, ఏపీఈడీబీ సీఈవో శ్రీకాంత్వర్మ, ఏపీఐఐసీ ఎండీ అభిషిక్త్ కిశోర్ తదితరులు వెళ్తున్నారు. 6న డాల్స్ లో ప్రవాసులతో లోకేశ్ భేటీ అవుతారు. 7 నుంచి 9 వరకు శాన్ఫ్రాన్సిస్కో, న్యూయార్కుల్లో పర్యటిస్తారు. ప్రపంచ శ్రేణి పారిశ్రామిక దిగ్గజ సంస్థల యాజమాన్యాలు, సీఈవోలతో బిజినెస్ టు బిజినెస్ ద్వైపాక్షిక సమావేశాలు జరుపుతారు. రాష్ట్రంలో అమలు చేస్తున్న స్పీడ్ ఆఫ్ డూయింగ్ బిజినెస్ విధానాన్ని వివరిస్తారు. 11, 12 తేదీల్లో కెనడాలోని మాన్యుఫ్యాక్చరింగ్ సంస్థలతో సమావేశమవుతారు.